- Հ.Յ.Դ. Քալիֆորնիոյ շրջանի 6րդ Պատգամաւորական ժողովին, Կիրակի, Յուլիս 4ի նիստին ներկայացան վեց նորագիր ընկեր-ընկերուհիներ, որոնք հանդիսաւոր երդում տուին՝ կնքահայրութեամբ Կարօ Սասունիի, որ ոգեպնդիչ խօսքով բացատրեց այն վեհ գաղափարները, որ Դաշնակցութեանն են եւ՝ այն դժուարին ճամբան, որ պիտի կտրէ ամէն դաշնակցական: Նորագիրները, խանդավառ, կը կազմեն «Լեւոն Շանթ» կոմիտէութիւնը, Սան Ֆրանսիսքոյի շրջանակին մէջ:
- Հայրենակից մը, որ Ֆրեզնոյէն Լոս Անճելըս մեկնած էր եւ հոն այցելած՝ «Մեսրոպեան» վարժարանի կառուցուող շէնք, հիացումով եւ մեծ հրճուանքով կը նկարագրէ, որ շէնքին առաջին յարկը արդէն կառուցուած է եւ այժմ երկրորդ յարկին կառուցումն է, որ կը կատարուի: Դպրոցը պիտի ունենայ 12 դասարան, արդիական բոլոր յարմարութիւններով եւ պիտի ունենայ նախակրթարանի երեք դասարաններ: Արեւելեան Լոս Անճելըսի մէջ այժմ կþապրի հոծ հայութիւն մը, որուն զգալի տոկոսը կը կազմեն տարիներ առաջ Գերմանիայէն եկած մեր տարագիր հայրենակիցները, որոնց եռանդուն ջանքերուն շնորհիւ՝ գնուեցաւ «Մեսրոպեան» վարժարանին հողամասը, 50 հազար տոլար արժողութեամբ: