Երէկ Չորեքշաբթի, 5 Հոկտեմբերին, իր մահկանացուն կնքեց Հայաստանի ժողովրդական արուեստագէտ, Պարի պետական անսամպլի երկարամեայ ղեկավար Վանուշ Խանամիրեանը:

Հայկական պարարուեստի մեծ երախտաւոր Վանուշ Խանամիրեան ծնած էր 1927ին: 1941ին ան աւարտած էր Երեւանի պարարուեստի ուսումնարանը եւ աշխատած Ա. Սպենդիարեանի անուան օփերայի եւ պալէի թատրոնին մէջ: 1968էն մինչեւ մահը ղեկավարած է Հայաստանի պարի պետական անսամպլը: