Հայաստանի արտաքին գործոց նախարարութենէն կը յայտնեն, որ Հայաստանի արտաքին գործոց նախարար Էդուարդ Նալբանդեան 2-4 Ապրիլին աշխատանքային այցելութեամբ կը գտնուի Մոսկուա:

2 Ապրիլին նախարար Նալբանդեան Մոսկուայի Միջազգային յարաբերութիւններու պետական հիմնարկին մէջ խօսեցաւ Հայաստանի արտաքին քաղաքականութեան մասին:

Յաջորդ օրը Էդուարդ Նալբանդեան պիտի մասնակցի Հաւաքական անվտանգութեան պայմանագիրի կազմակերպութեան անդամ պետութիւններու արտաքին գործոց նախարարներու խորհուրդի նիստին, իսկ 4 ապրիլին ԱՊՀ-ի արտաքին գործոց նախարարներու հանդիպումին:
Այսօր 4 Ապրիլի երեկոյեան նախատեսուած է Հայաստանի արտաքին գործոց նախարարին եւ Ազրպէյճանի արտաքին գործոց նախարար Էլմար Մամետեարովի հանդիպումը: