2013-ի նախագահական ընտրութիւններուն ՀՅԴ-ն  կունենայ իր  սեփական թեկնածուն

Երէկ, Սեպտեմբեր 29-ին կայացած մամլոյ ասուլիսի մը ընթացքին, Հ.Յ.Դ. Բիւրոյի անդամ Վահան Յովհաննիսեան յայտարարեց, որ 2013 թուականին կայանալիք Հայաստանի նախագահական ընտրութիւններուն Հայ Յեղափոխական Դաշնակցութիւնը պիտի մասնակցի սեփական թեկնածուով:

Յովհաննիսեան չմանրամասնեց, թէ ով պիտի ըլլայ Դաշնակցութեան  թեկնածուն:
Խօսելով ՀՀ երկրորդ նախագահ Ռոպերթ Քոչարեանի հետ համագործակցութեան հնարաւորութեան մասին՝  Վահան Յովհաննիսեան նշեց, որ կուսակցութիւնը տակաւին այդ հարցը չէ քննած: «այդպիսի դիմում կամ առաջարկ չի եղել ոչ անձնապէս Ռոպերթ Քոչարեանի, ոչ էլ նախկին արտաքին գործոց նախարար Վարդան Օսկանեանի կողմից»,- նշեց Վ. Յովհաննիսեանը:

Քալիֆորնիոյ նահանգի  Հայլենտը ճանչցած է Ցեղասպանութիւնը

Ազգային ժողովի ՀՅԴ խմբակցութեան ներկայացուցիչները հանդիպում ունեցան ԱՄՆ Քալիֆորնիոյ նահանգի Հայլենտի քաղաքապետ Լարի Մըքքալոնի հետ: ԱԺ ՀՅԴ խմբակցութեան ղեկավար Վահան Յովհաննիսեան՝ երախտագիտութիւն  յայտնել քաղաքապետին՝ Հայլենտի կողմէ Հայոց ցեղասպանութիւնը ճանչցող եւ դատապարտող հռչակագրի ընդունման համար:
Կարեւորութեամբ նշուեցաւ, թէ 60-70 հազար հոգի բնակչութիւն ունեցող այս քաղաքը, -ուր փոքրաթիւ հայկական համայնք կայ-, որոշում կայացած է Ապրիլ 24-ը «Հայոց ցեղասպանութեան յիշատակման օր» հռչակելու մասին:
Հանդիպման ժամանակ խօսուած է Ցեղասպանութեան հետեւանքներու վերացման եւ ճանաչման քայլերու մասին։