Արցախի Հանրապետութեան Նախագահ Բակօ Սահակեան Սեպտեմբեր 30-ին ընդունեց Հայ Առաքելական եկեղեցւոյ Վենեզուէլայի թեմի նախկին առաջնորդ Կոմիտաս արքեպիսկոպոս Օհանեանը:

Հանդիպման, ուր կը մասնակցէր Արցախի թեմի առաջնորդ Պարգեւ արքեպիսկոպոս Մարտիրոսեանը, քննարկուեցաւ պետութիւն-եկեղեցի կապերուն, Արցախի սոցիալ-տնտեսական իրավիճակին եւ տարածաշրջանային գործընթացներին վերաբերող տարբեր հարցեր:

Նախագահ Սահակեանը կարեւոր նկատեց Հայ Առաքելական եկեղեցւոյ դերը Սփիւռքի մէջ հայապահպանութեան գործով, նշելով որ եկեղեցին մեծ ներդրում ունի նաեւ Արցախին սատարելու հարցով:

Երկու կողմերն ալ կարեւոր նկատեցին պետութիւն-եկեղեցի փոխ յարաբերութիւններու շարունակական խորացումը, այն համարելով Հայաստան-Արցախ-Սփիւռք եռամիասնութեան առանցքային հիմքերէն մէկը: