Լատվիան հաստատած է իր մասնակցութիւնը «Մանկական Եւրոտեսիլ 2011» երգի մրցոյթին: Ինչպէս կը հաղորդէ Belta.by կայքը, այդպիսով, միջազգային այդ մրցոյթին 14 երկիր պիտի  մասնակցի:

«Մանկական Եւրոտեսիլ 2011»ին առաջին անգամ կը մասնակցի Սան Մարինոն, իսկ մի քանի երկիր, ինչպէս օրինակ Մալթան, Սերպիան, հրաժարած են մասնակցելէ: Սկիզբէն Լատվիան եւս ծրագրած էր չմասնակցիլ մրցոյթին, աւելի ուշ, սակայն, մտափոխուած է:
Ինչպէս կը հաղորդէ կայքը, մրցոյթի առաջնութեան համար կը պայքարին Հայաստան, Պելառուս, Պելճիքա, Վրասատա, Լիտվա, Սքոփիա, Մոլտովա, Հոլլանտա,  Ռուսաստան, Շուէտ, Ուքրանիա, Պուլկարիա, Սան Մարինօ եւ Լաթվիա:
Մրցոյթը տեղի կ’ունենայ 2011ի Դեկտեմբեր 3ին՝ Երեւանի մէջ: