ԵՐԵՒԱՆ, «ԱրմինիաՆաու».- 2013ի Յունուար-Մայիսին Ռուսիայէն Հայաստան ոչ առեւտրային նպատակներով առեւտրային դրամատուներու միջոցով կատարուած դրամային փոխանցումները նախորդ տարուան հետ բաղդատելով աւելցած են 11.2 տոկոսով՝ գերազանցելով 475.1 միլիոն տոլարը. այս մասին կը հաղորդէ ԱՌԿԱ գործակալութիւնը՝ վկայակոչելով Հայաստանի  Կեդրոնական դրամատունը:
Փոխանցումներուն հիմնական մասը՝ մօտ 84.5 տոկոսը, ստացուած է Ռուսիայէն: Ընդհանուր առմամբ 70.7 միլիոն փոխանցուած է, ինչ որ նախորդ տարուան

նոյն ժամանակաշրջանին հետ բաղդատելով՝ 14.6 տոկոսով աւելի է: Ռուսիայէն Հայաստան մասնաւոր մուտքերուն մաքուր ներհոսքը կազմած է 404.5 միլիոն՝ աւելնալով 10.7 տոկոսով:
Ընդհանուր առմամբ Ռուսիայէն Հայաստան կատարուած դրամական փոխանցումները 2013ի Մայիսին կազմած են 118.7 միլիոն տոլար՝ նախորդ տարուան 110.3 միլիոն տոլարի փոխարէն, իսկ Հայաստանէն Ռուսիա արտահոսքը՝ 14.7 միլիոն տոլար (անցեալ տարի՝ 15.2 միլիոն տոլար):
Կեդրոնական դրամատան տուեալներուն համա- ձայն, 2013ի առաջին հինգ ամիսներուն Հայաստան կատարուած է 577.39 միլիոն տոլարի փոխանցում, իսկ Հայաստանէն արտերկիր փոխանցուած է 124.5 միլիոն տոլար (13.7 տոկոս աճ):