Եւրոպական խորհուրդի Խորհրդարանական վեհաժողովի նախագահ Ժան-Քլոտ Մինիոն ցանկութիւն յայտնեց Հայաստանի եւ Ատրպէյճանի պատուիրակութիւններուն հետ քննարկելու Լեռնային Ղարաբաղի հիմնահարցը: Սակայն ան չճշդեց, թէ ե՛րբ մտադիր է ատիկա կատարել:
Մինիոն յիշեցուց Եւրոպական խորհուրդի Խորհրդարանական վեհաժողովի շրջագիծին մէջ եղած՝ Լեռնային Ղարաբաղի ենթայանձնախումբի մասին եւ ընդգծեց, որ Մինսքի խմբակի միջնորդներուն կողմէ մշակուած Մատրիտեան սկզբունքները հիմք են տագնապի լուծման համար: