Ոստիկանութեան 95ամեակի նախօրեակին՝ հակասական լուրեր կը ստացուին այդ կառոյցի մասին։

«Երկիր Մետիա» կը հաղորդէ թէ տեղեկութիւններու հիմամբ՝ ոստիկանութեան պետ Վլատիմիր Գասպարեանի հրամանագրով աշխատանքէն ազատ կացուցուած է Երեւանի ոստիկանապետ Ներսիկ Նազարեանը։
Երեւանի ոստիկանապետի պաշտօնին նշանակուած է Ոստիկանութեան Քրէական հետախուզութեան գլխաւոր վարչութեան պետ գնդապետ Աշոտ Կարապետեանը։