ԵԱՀԿ-ի Մինսքի խմբակի համանախագահները անցնող շաբաթավերջին տարածաշրջան այցելեցին ու կրկին կտրեցին հայկական եւ ատրպէյճանական զինեալ ուժերու միջեւ շփման գիծը՝ Ղարաբաղի տարածքէն հետիոտն անցնելով Ատրպէյճանի տարածք:
1news.az համացանցային պարբերականը հաղորդեց, որ միջնորդները մեկնեցան դէպի Պարտա՝ շփման գիծին վրայ Աղտամ-Պարտա ճամբու ուղղութեամբ ԵԱՀԿ-ի առաքելութեան ծիրէն ներս իրենց կատարած դիտարկման ընթացքին:
Մինսքի խմբակի համանախագահները Ատրպէյճանի տարածքէն Լեռնային Ղարաբաղի տարածք անցան ատրպէյճանական թերթերի շրջանը Ղարաբաղի Մարտակերտ շրջանին կապող ճամբուն վրայ Հինգշաբթի օր կատարուած դիտարկումէն ետք:
Մինսքի խմբակի միջնորդները մօտ երկու շաբաթ առաջ Ստեփանակերտի եւ Երեւանի մէջ հանդիպումներ ունեցած էին Ղարաբաղի եւ Հայաստանի ղեկավարներուն հետ, այնուհետեւ մեկնած էին շրջանէն՝ մահմետական տօներէն ետք Ատրպէյճան այցելելու համար: Երեք օր առաջ համանախագահները Պաքուի մէջ հանդիպում ունեցան Ատրպէյճանի նախագահին հետ: