Կեանքի 77 տարեկան հասակին մէջ վախճանեցաւ գրող, երգիծաբան Արամայիս Սահակեանը:

Ինչպէս «Արմէնփրէս»-ին տեղեկացուցին Երեւանի 8-րդ կլինիկական հիւանդանոցէն, ան մի քանի օր հիւանդանոց տարուած էր խնամքի համար: Ա րամայիս Սահակեանը մահացած է արեան հիւանդութենէ:

Արամայիս Ադամի Սահակեանը ծնած էր 1936  թ. Մայիս 24-ին, Արծուաշէն գիւղը: Յայտնի բանաստեղծ, հրապարակախօսը  աւարտած էր Խ.Աբովեանի անուան պետական մանկավարժական ինստիտուտի պատմալեզուական ֆակուլտետը։ Նաեւ մասնակցած էր Մոսկուայի Մ. Գորկիի անուան գրականութեան ինստիտուտի գրական բարձրագոյն դասընթացներուն 1967թ.-ին։ Աշխատած էր «Ավանգարդ» թերթին մէջ (1960-1965), «Գարուն» գրական ամսագրին  (1967-1970), ՀԼԿԵՄ Կենտկոմի (1970-1971), ՀԽՍՀ հեռուստատեսութեան եւ  ռատիոհաղորդումներու պետական կոմիտէին (1971-1977)։ 1982-ից «Ոզնի» երգիծական հանդէսի գլխաւոր խմբագիրն էր։ Իր գիրքերն են «Աստղիկներ» (1958), «Սիրոյ  հասակ» (1959), «Մենք միասին ենք» (1964), «Ապրել և սիրել» (1968ին այս գրքի համար ստացած էր ՀԼԿԵՄ մրցանակ1970 թուականին), «Երջանիկ եղէք» (1972), «Ես սիրում եմ ձեզ» (1975)  եւայլն:
Դարձած էր համամիութենական երաժշտական մրցոյթի դափնեկիր երգերու  գրութիւններու  համար։ Իր  բանաստեղծութիւնները թարգմանուած են ՍՍՀՄ եւ օտար բազմաթիւ լեզուներով։ ԽՍՀՄ փլուզումէն յետոյ Ա. Սահակեանը շարունակած էր հրատարակել իր «Ոզնի» հանդէսը: Ընտրուած էր նաեւ ՀՀ Ազգային Ժողովի  պատգամաւոր։