Շաբաթ օր Կեդրոնական ընտրական յանձնախումբի նախագահ Տիգրան Մուկուչեան յայտարարեց, որ 2013 թուականի նախագահական ընտրութիւնը Հայաստանի մէջ տեղի պիտի ունենայ 18 Փետրուարին

Շաբաթ, 8 Դեկտեմբերին, ՀՅԴ Բիւրոյի ներկայացուցիչ Հրանդ Մարգարեան եւ ՀՅԴ Հայաստանի Գերագոյն մարմինի ներկայացուցիչ Արմէն Ռուստամեան հանդիպում ունեցան Հայաստանի նախագահ Սերժ Սարգսեանի հետ: Երկարատեւ քննարկում կատարուեցաւ Հայաստանի պետական-հանրային եւ քաղաքական կեանքի արմատական բարեփոխման ու առողջացման վերաբերեալ՝ ՀՅԴ-ի առաջադրած եօթը կէտնոց հիմնադրոյթներուն  շուրջ:
ՀՅԴ մամլոյ դիւանի հաղորդագրութեան համաձայն, հանդիպման իբրեւ արդիւնք կողմերը որոշեցին շարունակել խորհրդակցութիւնները: