Կիպրոսի Լարնաքա  քաղաքին մէջ, 5 Հոկտեմբերին պիտի հանդիպին Համահայկական Խաղերու Կոմիտէի անդամները, գումարելու համար տարեկան 2րդ ընդհանուր ժողովը: Լուրը կը հաղորդէ Համահայկական Խաղերու կոմիտէի հաշուապահ Պերճ Հալաճեանը:

Օրակարգի վրայ պիտի ըլլայ 6րդ Համահայկական խաղերու գումարման կազմակերպումը, որ նախատեսուած են 2015ին, Հայոց  Ցեղասպանութեան  100ամեակի ծրագրի ծիրէն ներս: Կը նախատեսուի շատ ծաւալուն կազմակերպում, հինգ նոր մարզաձեւերու յաւելումով:
Նշենք, որ Համահայկական Խաղերու կոմիտէն տարին երկու անգամ կը հանդիպի (Մայիսին եւ Հոկտեմբերին) իսկ այս՝ Լարնաքայի մէջ երկրորդ նիստի կազմակերպական գործերը ստանձնած է կոմիտէի Կիպրոսի անդամ Յարութ Թահմազեանը:
Տուեալ նիստին քննարկման պիտի դրուի նաեւ 2014ի ձմեռնային խաղերու որոշման հարցը: