Վերընտրուած է Սիսիանի քաղաքապետը

Սեպտեմբեր 9ին ՀՀ հինգ համայնքներու մէջ տեղի ունեցած են տեղական ինքնակառավարման (ՏԻՄ) ընտրութիւններ:

Արարատի՝ Արմաւիրի 97, Լոռիի մարզի 113, Շիրակի 119, Սիւնիքի 109 համայնքներու մէջ ընտրութիւններուն մասնակցած են մեծ թիւով թեկնածուներ:
Յունաստանի Նէա Զմիռնիի քաղաքին հետ եղբայրացած հայրենի քաղաք՝ Սիսիանի մէջ տեղի ունեցած համայնքի ղեկավարի  ընտրութիւններու նախնական տուեալներով՝ վերընտրուած է գործող քաղաքապետ, Բարգաւաճ Հայաստան կուսակցութեան անդամ Աղասի Յակոբճանեանը:
Սիսիանի մէջ քուէարկութեան մասնակցած է ընտրելու իրաւունք ունեցողներուն 55.85 տոկոսը: Գործող քաղաքապետի օգտին քուէարկած է 3536 քաղաքացի: Մրցակից երկու թեկնածուներէն ՀՅԴի անդամ Տիգրան Պօղոսեանը հաւաքած է 2744, իսկ անկուսակցական Հրաչիկ Խաչատրեանը՝ 298 ձայն: