PanARMENIAN.Net - Հայաստան հանրային հեռուստաընկերութիւնը կը յայտնէ, որ «Մանկական Եւրատեսիլ 2012»-ի հայաստանեան նախընտրական փուլը տեղի պիտի ունենայ Սեպտեմբեր 30-ին:

Նախընտրական փուլի համար հեռուստաընկերութիւնը ընտրած է 14 երգ, որոնք պիտի պայքարին Հոլանտայի մէջ տեղի ունենալիք 10-րդ մրցոյթին մասնակցելու համար:
Յիշեցնենք, որ «Մանկական Եւրատեսիլ 2011» մրցոյթը Երեւանի մէջ տեղի ունեցաւ՝ Դեկտեմբեր 3-ին՝ Կ. Դեմիրճեանի անուան մարզահամերգային համալիրին մէջ:
Մրցոյթին մասնակցեցան 13 երկիրներու ներկայացուցիչներ:
Հայաստանը մրցոյթին մասնակցեցաւ չորրորդ անգամ: Առաջին մրցոյթին Հայաստանը ներկայացուց «Արեւիկ» խումբը «Երազանք» երգով եւ գրաւեց 2-րդ տեղը, 2008 թ-ին Մոնիքա Մանուչարովան որ գրաւեց 8-րդ տեղը իր «Իմ երգի հնչիւնը» երգով: 2009 թուականին «Մանկական Եւրատեսիլ» մրցոյթին Հայաստանը ներկայացուց Լաուրա Հայրապետեանը «Պարսելոնա» երգով եւ գրաւեց 2-րդ տեղը` այն կիսելով Ռուսաստանի ներկայացուցիչ Եկատերինա Ռյաբովայի հետ: 2010թ. Նոյեմբեր 20-ին «Մանկական Եւրատեսիլ-2010» մրցոյթին Հայաստանին յաղթանակ բերաւ Վլադիմիր Արզումանեանը իր «Մամա» երգով: 2011թ-ին Հայաստանը ներկայացուց Դալիթան իր Welcome to Armenia երգով եւ զբաղեցուց 5-րդ տեղը: