ԱՐՄԷՆՓՐԷՍ: Հայաստանի մէջ այս տարի շուրջ 37.000 առաջին դասարանցիներու համար Սեպտեմբեր 1-ը ազդարարեց աշակերտական կեանքի սկիզբը:

ՀՀ կրթութեան եւ գիտութեան նախարարութեան հանրակրթութեան վարչութեան պետ Նարինէ Յովհաննիսեան Օգոստոս 31-ին լրագրողներուն հետ հանդիպման ընթացքին նշեց, որ առաջին դասարանցիներու թիւը նախորդ տարիներու համեմատ գրեթէ չէ փոխուած: «Մինչեւ Սեպտեմբեր 5-ը առաջին դասարանցիների թիւը ենթակայ է փոփոխման. նրանք կարող են ընդունուել դպրոց: Կատարուած ուսումնասիրութիւններից ելնելով՝ կարող ենք ասել, որ այս տարի նրանց թիւը կ'աւելանայ»,- «Արմէնփրէս»ի հաղորդմամբ՝ ըսաւ Յովհաննիսեանը:
Դպրոց կþընդունուին վեց տարեկանէն մինչեւ Յունուար 1-ը լրացող երեխաները. միւսները կը սպասեն նոր ուսումնական տարուան: Տարրական դպրոցին մէջ երեխաները կարող են վաղաժամկետ փոխադրուիլ  բարձր դասարան: Վաղաժամկէտ փոխադրման հնարաւորութիւն ունին 1-9րդ դասարաններու աշակերտները: Աւագ դպրոցին մէջ նման «թռիչք» կարող են ընել միայն միջազգային ողիմպիատաներուն յաղթողները: Տարեկան շուրջ 25-30 երեխայ կ'օգտուի այդ թռիչքէն, հիմնականին մէջ՝ տարրական դասարաններուն։
Հանրակրթութեան վարչութեան պետի փոխանցմամբ՝ ձմռան ընդառաջ ամէն ինչ կþըլլայ, որպէսզի Երեւանի մէջ չջեռուցուող դպրոցներ չմնան: Մարզային դպրոցներուն մէջ հարցը կը փորձեն լուծել նաեւ մարզպետները: Ջեռուցման հարցը պետութեան համար գերակայ խնդիր է:
Հայաստանի մէջ կը գործէ աւելի քան 1400 դպրոց, անոնցմէ 169-ը՝ Երեւանի քաղաքապետարանի ենթակայութեան տակ են: Մայրաքաղաքի մէջ գործող մնացած 31 դպրոցները՝ ստանալով աւագ դպրոցի  կարգավիճակ, անցած են ՀՀ կրթութեան եւ գիտութեան նախարարութեան ենթակայութեան:

ԼՂՀ 245 դպրոցի մէջ հնչեց առաջին զանգը

Սեպտեմբեր 1-ին Լեռնային Ղարաբաղի Հանրապետութեան 245 դպրոցներու մէջ հնչեց դպրոցական առաջին զանգը: ԼՂՀ ԿԳ նախարար Վլադիկ Խաչատրեանի հաւաստմամբ՝  այս ուսումնական տարին առաջին դասարան պիտի յաճախէ աւելի քան 2100 երեխաներ, իսկ ընդհանուր առմամբ, դպրոց կը յաճախեն 22.000 աշակերտներ:
Ստեփանակերտի մէջ առաջին դասարան յաճախողներու թիւը նախորդ տարուայ համեմատ աճած է 70-ով:
«Բոլոր առաջին դասարանցիներին պետական միջոցներից  տրամադրուել է 20.000-ական դրամ գրենական պիտույքներ եւ հագուստ գնելու համար»-, այս մասին տեղեկացուց, ԼՂՀ ԿԳ նախարարը։ Ան նաեւ աւելցուց, որ Հայաստանի Երկրապահ կամաւորական միութեան նախագահ Մանուէլ Գրիգորեանի կողմէ 1-ին դասարան յաճախող երեխաները նուէրներ ստացան պայուսակներ եւ գրենական պիտոյքներ: