Յուլիս 24-ին Փարիզ այցելեց ՀՀ արտաքին գործոց նախարար Էդուարդ Նալբանդեանը, ուր հանդիպում ունեցաւ Ֆրանսայի իր պաշտօնակից Լորան Ֆապիւսի հետ: Հանդիպման ներկայ էր նաեւ արտերկրի մէջ ֆրանսացիներու հարցերու նախարար Էլէն Կոնվայ-Մուրետը:
Լորան Ֆապիւս ողջունելով Հայաստանի նախարարի ներկայութիւնը, ըսաւ որ այս հանդիպումը լաւ առիթ է ամփոփելու երկկողմ յարաբերութիւններու ձեռքբերումները եւ նոր ազդակ հաղորդելու հայ-ֆրանսական համագործակցութեան:
Շնորհակալութիւն յայտնելով ջերմ ընդունելութեան համար՝ Էդուարդ Նալբանդեանը նշեց, որ Ֆրանսան եւ Հայաստանը ունին առանձնաշնորհեալ յարաբերութիւններ, որոնք խարսխուած են աւանդական բարեկամութեան վրայ: Ան աւելցուց, որ դիւանագիտական յարաբերութիւններու քսանամեայ պատմութեան ընթացքին փոխ յարաբերութիւնները վերընթաց զարգացում ապրած են:
«Երկու երկիրներու միջեւ այսօր առկայ է բարձր մակարդակի քաղաքական երկխօսութիւն, ձեւաւորուած է լայն իրաւապայմանագրային դաշտ, միջ-խորհրդարանական, ապակեդրոնացուած աշխուժացած կապեր, ֆրանսական ընկերութիւններու ներդրումները Հայաստանի տնտեսութիւնում ծաւալով երկրորդն են՝ գործում է ֆրանսական կապիտալի մասնակցութեամբ 160 ընկերութիւն դրամատնային հեռահաղորդակցութեան, ագրոարդիւնաբերութեան եւ այլ բնագաւառներում: Ակտիվ համագործակցութիւն է ընթանում մշակութային եւ ‘ գիտակրթական ոլորտներում», - ընդգծեց Էդուարդ Նալբանդեանը:
Հայաստանի եւ Ֆրանսայի արտաքին գործոց նախարարները անդրադարձան տարբեր բնագաւառներու մէջ երկկողմ համագործակցութեան հետագայ զարգացման ուղղութեամբ ձեռնարկուելիք քայլերուն: Զրուցակիցները քննարկեցին միջազգային եւ տարածաշրջանային երկուստեք հետաքրքրութիւն ներկայացնող խընդիրներ: Այս ծիրէն ներս նախարարները գոհունակութեամբ արձանագրեցին, որ մի շարք միջազգային հարցերու վերաբերեալ Հայաստանի եւ Ֆրանսայի դիրքորոշումները կը համընկնին:
Էդուարդ Նալբանդեան եւ Լորան Ֆապիւս միտքեր փոխանակեցին միջազգային կազմակերպութիւններու մէջ հայ-ֆրանսական համագործակցութեան շուրջ:
Նախարարները քննարկեցին Հայաստան-Եւրոպական Միութիւն յարաբերութիւնները եւ այդ շըրջանակներէն ներս իրականացուող ծրագրերը: Էդւարդ Նալբանդեանը ներկայացուց Ասոցացման համաձայնագրի, մուտքի արտօնագրային համակարգի դիւրացման շուրջ ընթացող բանակցութիւններու մէջ արձանագրուած առաջընթացը, ինչպէս եւ համապարփակ ազատ առեւտուրի գօտիի ստեղծման բանակցութիւններու ընթացքը:
Անդրադարձ կատարուեցաւ Ֆրանկոֆոնիայի միջազգային կազմակերպութեան ծիրէն ներս շարունակուող փոխ գործակցութեան:
Բանակցութիւններու օրակարգին վրայ էր արցախեան հիմնախնդրի կարգաւորման գործընթացը: Էդուարդ Նալբանդեանը, բարձր գնահատելով Ֆրանսայի կառուցողական ներգրաւուածութիւնը որպէս ԵԱՀԿ Մինսկի խումբի համանախագահ, վերահաստատեց Հայաստանի պատրաստակամութիւնը շարունակելու բանակցութիւնները, հասնելու հիմնախնդրի խաղաղ կարգաւորման՝ համանախագահ երկիրներու ղեկավարների՝ լ՛Աքուիլայի, Մուսկուայի, Տովիլի եւ Լոս-Քափոսի մէջ ընդունուած յայտարարութիւններու եւ ներկայացուած առաջարկութիւններու հիման վրայ:
Հայաստանի եւ Ֆրանսայի արտաքին քաղաքական գերատեսչութիւններու ղեկավարները մտքեր փոխանակեցին միջազգային օրակարգի տարբեր ու հրատապ հարցերու շուրջ, անդրադարձ կատարուեցաւ Իրանի միջուկային ծրագրին, Միջին Արեւելքի զարգացումերուն շուրջ:
Էդուարդ Նալբանդեանը Հայաստան հրաւիրեց Լորան Ֆապիւսը: