Հայաստանի արտաքին գործոց նախարար Էդ. Նալբանդեան հանդիպում ունեցած է Երեւանի մէջ հաւատարմագրուած եւրոպական երկիրներու դեսպաններուն հետ:
Աշխատանքային ճաշի ընթացքին քննարկուած են Հայաստան - Եւրոպական Միութիւն համագործակցութեան ներկայ ընթացքն ու նախատեսւող բարձր մակարդակի շփումները ինչպէս եւ ձեռնարկուելիք քայլերը:
Հայաստանի արտաքին գործոց նախարարը եւրոպացի դեսպաններու ուշադրութիւնը հրաւիրած է Հայաստանի սահմանին ու Լեռնային Ղարաբաղի հետ շփման գծին վրայ Ատրպէյճանի կազմակերպած սադրիչ գործողութիւններուն եւ մարդկային զոհերուն: