Եւրոպական Միութիւնը կոչ կÿուղղէ Հայաստանին ու Ատրպէյճանին բազմապատկել ջանքերը ղարաբաղեան խնդրի կարգաւորման շուրջ եւ գտնել լուծումը՝ մինչեւ տարեվերջ: Այս յայտարարութիւնը երէկ երեկոյեան կատարեց Եւրոմիութեան արտաքին քաղաքականութեան պատասխանատու Քաթրին Աշթոն:
«Հիմնարար սկզբունքներու շուրջ համաձայնութեան գալու ջանքերը պէտք է շարունակուին, եւ ես ողջունելի կը գտնեմ այն փաստը, որ երկու կողմերն ալ հաւատարիմ կը մնան բանակցութիւններու ճամբուն եւ խնդրի խաղաղ կարգաւորման: Սակայն, մենք պէտք է աւելին տեսնենք յառաջիկայ ամիսներուն ընթացքին: Կողմերը պէտք է բազմապատկեն իրենց ջանքերը, 
գտնելու համար լուծումը՝ մինչեւ այս տարուայ վերջաւորութեան», - յայտարարեց Աշթոնը՝ ընդգծելով, որ անկէ ետք՝ 2012-ին, ընտրութիւններ նախատեսուած են Հայաստանի, 2013-ին՝ Ատրպէյճանի մէջ: Ներկայացնելով կարգաւորման շուրջ վերջին զարգացումները՝ Աշթոն եւրոպացի պատգա- մաւորներուն տեղեկացուց, որ Ռուսաստանի առաջնորդ Տմիթրի Մետվետեւը լաւատես մօտեցումով ձեռնարկած էր Քազանի մէջ եռակողմ հանդիպման: «Ցաւով, պէտք է նշել սակայն, թէ հակառակ ամենաբարձր մակարդակներէ ուղարկուած խիստ ուղերձներուն, սպասուած առաջընթացը չարձանագրուեցաւ», - ըսաւ Եւրոմիութեան արտաքին գործոց նախարարը՝ ընդգծելով. - «Ինչ ալ որոշուի այդ բանակցութիւններու ընթացքին, Եւրոմիութեան հետ ալ առընչուած է։ Եւ մենք կÿուզենք առաջընթաց տեսնել Արեւելեան հարեւանութեան գագաթնաժողովէն առաջ, որ նախատեսուած է Սեպտեմբերին՝ Վարշավայի մէջ»: