Երեւան, 20 Յունուար, 2012թ.: Հեռուստամարաթոն 2011-ի «Ջուր պարգեւիր, կեանք նուիրիր» կարգախօսի ծիրէն ներս «Հայաստան» համահայկական հիմնադրամը Լեռնային Ղարաբաղի մէջ սկսաւ Հադրութ քաղաքի խմելու ջուրի ներքին ցանցի կառուցման ծրագիրը:

Ծրագիրը կը համաֆինանսաւորեն Հիմնադրամի ԱՄՆ արեւմտեան շրջանի տեղական մարմինը՝ ի դէմս լոսանճելեսաբնակ բարերարներ տէր եւ տիկին Ջերարդ եւ Փաթրիշիա Թրփանջեաններու, եւ ԼՂՀ կառավարութիւնը:
2008-ին Հիմնադրամի կառուցած Արջաղբիւր-Հադրութ 22քմ երկարութեամբ ջրագիծի շնորհիւ խմելու ջուրը կը հասնի շրջկեդրոն: «Ներքին ցանցի կառուցումը կÿամբողջացնէ ծրագիրը՝ ջուրը հասցնելով սպառողին»,- կÿըսէ ԼՂՀ Հադրութի շրջանի վարչակազմի ղեկավարի տեղակալ Էդիկ Դաւթեանը:
Կառուցման աշխատանքները արդէն սկսած են: Ծրագրով կը նախատեսուի կառուցել շուրջ 33քմ երկարութիւն ունեցող ներքին ցանց, պոմպակայան եւ 2 ջրամբար, վերանորոգել 1970-ականներուն կառուցուած խորքային հորը, ջրաւազանները:
«Խորին շնորհակալութիւն ենք յայտնում տէր եւ տիկին Թրփանջեաններին իրենց առատաձեռն նուիրատուութեան համար, որը հնարաւորութիւն կուտայ խմելու ջուր մատակարարել շուրջ 3200 բնակիչ ունեցող քաղաքին։ Այս առիթով հարկ եմ համարում երախտագիտութեան խօսքեր յայտնել նաեւ Հիմնադրամի Հոգաբարձուների Խորհրդի անդամ պարոն Ալբերտ Պոյաճեանին, ում շնորհիւ ծրագիրն այսօր կեանքի է կոչւում»,- կը նշէ Հիմնադրամի ԱՄՆ արեւմտեան շրջանի Տնօրէններու խորհուրդի նախագահ Արա Ագիշեանը:
Յիշեցնենք, որ Ստեփանակերտի թիւ 11 աւագ դպրոցը, որը կÿառանձնանայ իր գրաւիչ ճարտարապետական լուծումներով եւ ժամանակակից յարդարանքով, 2010-ին եւս կեանքի կոչուեց Թրփանջեան ընտանիքի հովանաւորութեամբ: