Երէկ Երեքշաբթի օր, Մոսկուայի մէջ տեղի ունեցաւ Հայաստանի եւ Ռուսաստանի արտաքին գործոց
նախարարներ Էդուարդ Նալբանդեանի եւ Սերգէյ Լավրովի աշխատանքային հանդիպումը:
Բանակցութիւններուն քննարկուեցան երկկողմ օրակարգին առընչուող շարք մը հարցեր:
Ինչպէս կը հաղորդէ ՀՀ արտաքին գործոց նախարարութեան մամլոյ ծառայութիւնը, զրուցակիցները մտքեր փոխանակեցին յառաջիկային նախատեսուող Ռուսաստանի, Հայաստանի եւ Ատրպէյճանի նախագահներու եռակողմ հանդիպման նախապատրաստական աշխատանքներուն վերաբերեալ: