Հայաստանի մէջ 2011-ի առաջին կիսամեակին որդեգրման ենթակայ երեխաներու թիւը կազմած է 63, որոնց 39ը՝ աղջիկ: Ամէնէն աւելի որդեգրման ենթակայ երեխաները Երեւանէն են, ապա Շիրակի մարզը, Արմաւիրը, Կոտայքը, Լոռին, Արագածոտնը, Արարատն ու Վայոց Ձոր մարզերը՝ յաջորդաբար:

Հայաստան բնակողներու կողմէ որդեգրուած են 15 երեխաներ, իսկ արտասահմանի մէջ բնակող օտարերկրեայ քաղաքացիներու կողմէ՝ 26 երեխայ: Որդեգրման համար դիմում կատարած են 181 թեկնածուներ, որոնցմէ 105ը արտասահմանցի են, իսկ 72ը՝ Հայաստանցի: Դիմողներուն միջեւ կը գերակշռեն 30-65 տարեկանները:
Միւս կողմէ, Հայաստանի մէջ կը գործէ պետական եօթը մանկատուն, ուր ներկայ դրութեամբ կÿապրին 780 երեխաներ: Մանկատուներէն երկուքը մասնագիտացած են եւ հոն կÿապրին մտային ու մարմնական արատտներ ունեցող 550 երեխաներ: Մասնագիտական մանկատան մէջ խնամքի ենթակայ ամէն երեխայի համար պետութիւնը օրական կը տրամադրէ 1380 դրամ՝ սնունդի եւ 4918 դրամ երեխայի խնամքի ծախսի համար: