20 Հոկտեմբերին, բացումը կատարուեցաւ «Լրագրողներու 8րդ համահայկական համաժողով»ին, որ կը կրէ «Հայոց պետականութիւնը՝ միասնութեան առանցք» խորագիրը եւ նուիրուած է Հայաստանի ու Լեռնային Ղարաբաղի հանրապետութիւններու անկախութեան 25ա
մեակին: Քառօրեայ համաժողովը իր աշխատանքները պիտի շարունակէ մինչեւ 24 Հոկտեմբեր՝ Երեւանի եւ Ստեփանակերտի մէջ:
Համաժողովին պիտի մասնակցին 140 լրագրողներ՝ աշխարհի 31 երկիրներէ: Յունաստանէն՝ Սերգօ Գույումճեան կը մասնակցի համաժողովին, ներկայացնելով «Ազատ Օր»ը։
Բացման խօսքով հանդէս եկաւ սփիւռքի նախարար Հրանոյշ Յակոբեան, կարդացուեցան նախագահ Սերժ Սարգսեանի ուղերձն ու Ամենայն Հայոց Գարեգին Բ. Կաթողիկոսի օրհնութեան խօսքը:
Այս ծիրին մէջ տեղի պիտի ունենան նաեւ հանդիպումներ Հայաստանի նախագահ Սերժ Սարգսեանի, վարչապետ Կարէն Կարապետեանի, Արցախի նախագահ Բակօ Սահակեանի, վարչապետ Արա Յարութիւնեանի եւ այլ բարձրաստիճան պաշտօնատարներու հետ: Լրագրողները նաեւ պիտի այցելեն սահմանագիծ, պիտի տեսնեն զինուորներու առօրեան եւ գետնի վրայ տիրող կացութիւնը:
Նիստերը կը հեռարձակուին «Նոյեան Տապան»ի ու «Ազդակ»ի կայքերուն վրայ։