Ա­մէն տա­րի մրցու­մը կը կա­յա­նայ ե­րաժշ­տա­կան տար­բեր մաս­նա­գի­տու­թիւն­նե­րու ծի­րին մէջ, այս ան­գամ ա­նոր կը մաս­նակ­ցին միայն գե­ղա­րո­ւես­տա­կան ղե­կա­վար­նե­րը: Ա­րամ ­Խա­չա­տու­րեա­նի ա­նո­ւան մի­ջազ­գա­յին մրցոյ­թի տնօ­րէն Ան­նա ­Տէր-­Յո­վա­կի­մեան, «Ա­զա­տու­թեան» հետ ու­նե­ցած զրոյ­ցին ըն­թաց­քին, յայտ­նած է, որ 6-14 ­Յու­նի­սը ե­րաժշ­տա­սէր­նե­րուն հա­մար իս­կա­կան ե­րաժշ­տա­կան տօ­նախմ­բու­թիւն պի­տի ըլ­լայ:

Մր­ցու­մին դի­մում ներ­կա­յա­ցու­ցած են 33 եր­կիր­նե­րէ 37 ան­ձեր, ո­րոնց­մէ ա­ւար­տա­կան փուլ հա­սած են 12 ե­րի­տա­սարդ­ներ։
Մր­ցոյ­թը սկսած է 6 ­Յու­նի­սին «Ա­րամ ­Խա­չա­տու­րեան» հա­մեր­գաս­րա­հին մէջ՝ ­Հա­յաս­տա­նի պե­տա­կան ե­րի­տա­սար­դա­կան սիմ­ֆո­նիք նո­ւա­գա­խում­բին մաս­նակ­ցու­թեամբ: Այս նո­ւա­գա­խում­բին հետ ալ մրցու­մին մաս­նա­կից գե­ղա­րո­ւես­տա­կան ղե­կա­վար­նե­րը պի­տի փոր­ձեն յաղ­թել մրցու­մին։

«Ամ­սի 6ին, ըստ ա­ւան­դոյ­թի, մենք բա­ցում ենք ­Խա­չա­տու­րեա­նի ա­նո­ւան մի­ջազ­գա­յին մրցոյ­թը, այս տա­րի՝ դի­րի­ժո­րու­թիւն (ղե­կա­վա­րի) ա­նո­ւա­նա­կար­գում: ­Կար­ծում եմ, որ մեզ մին­չեւ ամ­սի 14ը սպաս­ւում է մեծ տօն, իւ­րա­քան­չիւր օր՝ հա­մեր­գա­յին կա­տա­րում, լե­ցուն ծրա­գիր, ե­րի­տա­սարդ դի­րի­ժոր­ներ, ո­րոնք որ աշ­խար­հում ար­դէն ու­նեն ի­րենց ան­ցած ճա­նա­պար­հը, եւ կար­ծում եմ, որ հան­դի­սա­տե­սին շատ հե­տաքրքիր կը լի­նի»,- յայտ­նած է ­Տէր-­Յո­վա­կի­մեան։

­Տա­րի­նե­րու սո­վո­րու­թեան հա­մա­ձայն՝ մրցու­մի յանձ­նա­ժո­ղո­վի ան­դամ­ներն ու մաս­նա­կից­նե­րը ա­ռա­ւօ­տեան այ­ցե­լած են ­Կո­մի­տա­սի ա­նո­ւան պան­թէոն, ծա­ղիկ­ներ զե­տե­ղած Ա­րամ ­Խա­չա­տու­րեա­նի շի­րի­մին վրայ, ա­պա՝ մեծ յօ­րի­նո­ղին տուն-թան­գա­րա­նին մէջ հան­դի­պում ու­նե­ցած են լրագ­րող­նե­րու հետ:

Մր­ցոյ­թի հո­գա­բար­ձու­նե­րու խոր­հուր­դի նա­խա­գահ Ար­մէն Սմ­բա­տեան ը­սած է, որ այս ա­նո­ւա­նա­կար­գին մէջ մրցում շատ քիչ կը կա­տա­րո­ւի աշ­խար­հի մէջ, իսկ ­Հա­յաս­տա­նի մէջ ա­ռա­ջին ան­գամն ըլ­լա­լով կը կա­յա­նայ ա­նի­կա։

Մր­ցու­թա­յին յանձ­նա­ժո­ղո­վի նա­խա­գահ Եու­րի ­Դաւ­թեան ը­սած է.- «­Բո­լոր դէպ­քե­րում, ա­ռա­ջին հեր­թին պէտք է գնա­հա­տո­ւի գոր­ծի ի­մա­ցու­թիւ­նը, թէ ինչ­քա­նո՞վ է դի­րի­ժո­րը տի­րա­պե­տում ստեղ­ծա­գոր­ծու­թեա­նը, ո­րից յե­տոյ, ինձ թւում է՝ նրա ներ­քին ու­նա­կու­թիւն­նե­րը, նրա, ինչ­պէս ա­սում են, դէմ­քը: ­Նա պէտք է ու­նե­նայ իր ու­րոյն ար­տա­յայ­տիչ մի­ջոց­նե­րը՝ յա­տուկ միայն ի­րեն»: