Գե­ղամ Գ­րի­գո­րեա­նի թաղ­ման հետ կա­պո­ւած պի­տի ստեղ­ծո­ւի կա­ռա­վա­րա­կան յանձ­նա­ժո­ղով:
Գե­ղամ Գ­րի­գո­րեան ծնած է 1951 թո­ւա­կա­նի Յու­նո­ւար 29ին, Ե­րե­ւան:
Ա­ւար­տած է Ե­րե­ւա­նի Կո­մի­տա­սի ա­նո­ւան Պե­տա­կան Ե­րաժշ­տա­նո­ցը` Հա­յաս­տա­նի ժո­ղովր­դա­կան ար­տիստ, փրո­ֆե­սոր Սեր­գէյ Դա­նիէ­լեա­նի դա­սա­րա­նը: Գ­րի­գո­րեան ա­ռա­ջին ան­գամ մեծ բե­մի վրայ հան­դէս ե­կած է 1971 թո­ւա­կա­նին, 20 տա­րե­կա­նին, 1972 թո­ւա­կա­նին մե­նա­հա­մերգ­նե­րով մեկ­նած է ա­րեւմ­տեան Պեր­լին:

1975 թո­ւա­կա­նին կա­յա­ցաւ ա­նոր տե­պիւ­թը Ա­լեք­սանդր Ս­պեն­դիա­րեա­նի ա­նո­ւան օ­փե­րա­յի եւ պա­լէի ազ­գա­յին ա­կա­դե­միա­կան թատ­րո­նին մէջ` Էդ­գա­րի դե­րեր­գով, Տո­նի­ցե­դիի «­Լու­չիա տի Լա­մեր­մուր» օ­փե­րա­յին մէջ: Այ­նու­հե­տեւ՝ Սա­րօ (Ար­մէն Տիգ­րա­նեա­նի «Ա­նոյշ»), Տի­րիթ (­Տիգ­րան Չու­խա­ջեա­նի «Ար­շակ Բ.»), Սա­յաթ-­Նո­վա (Ա­լեք­սանդր Յա­րու­թիւ­նեա­նի «­Սա­յաթ-­Նո­վա»), Կոմս Ալ­մա­ւի­վա (­Ռոս­սի­նիի «­Սե­ւի­լեան սափ­րիչ»), Ֆաուստ (­Գու­նո­յի «­Ֆաուստ»): 1970ա­կան­նե­րուն Գ­րի­գո­րեան յայտ­նի մե­ներ­գիչ ե­ղած է ողջ Խորհր­դա­յին Միու­թեան մէջ:

1978 թո­ւա­կա­նին մաս­նակ­ցած է Մի­լա­նի «­Լա Ս­կա­լա» թատ­րո­նի Գե­ղա­րո­ւես­տա­կան կա­տա­րե­լա­գործ­ման դպրո­ցի մրցոյ­թին (Scuola di Perfizionamento Artistico) եւ ընդգր­կո­ւած այն չորս եր­գիչ­նե­րու կազ­մին մէջ, ո­րոնք հրա­ւի­րո­ւած են աշ­խա­տան­քա­յին փորձ անց­նե­լու «­Լա Ս­գա­լա»ի մէջ:

Այդ տա­րի­նե­րուն Ի­տա­լիոյ մէջ Գե­ղամ Գ­րի­գո­րեան ու­նե­ցած է շարք մը հա­մերգ­ներ: «­Լա Ս­գա­լա»ի մէջ տե­պիւ­դով հան­դէս ե­կած է Բին­գեր­թո­նի դե­րով (­Պու­չի­նիի «­Մա­տամ Պա­դերֆ­լայ» օ­փե­րա): Այս ե­լոյ­թէն յե­տոյ ան «­Լա Ս­գա­լա»ի թատ­րո­նին հետ ստո­րագ­րած է պայ­մա­նա­գիր այն­տեղ «­Պո­րիս Կո­տու­նով» եւ «­Տոս­գա» օ­փե­րա­յին ներ­կա­յա­ցում­նե­րուն գլխա­ւոր դե­րե­րով հան­դէս գա­լու հա­մար` խմբա­վար Գ­լաու­տիօ Ապ­պա­տո­յի ղե­կա­վա­րու­մով, որ այն ժա­մա­նակ Լա Ս­գա­լա­յի գլխա­ւոր խմբա­վա­րը ե­ղած է: