12 Փետ­րո­ւա­րին, Ար­ցա­խի մէջ, սահ­մա­նադ­րա­կան փո­փո­խու­թիւն­նե­րու կազ­մա­կերպ­ման հո­լո­վոյ­թին վե­րա­բե­րեալ ընդ­լայ­նո­ւած խորհր­դակ­ցու­թիւն տե­ղի ու­նե­ցած է Հ.Յ.Դ. Ս­տե­փա­նա­կեր­տի «­Նի­կոլ Դու­ման» կեդ­րո­նին մէջ:

Խորհր­դակ­ցու­թեան ներ­կայ ե­ղած են Հ.Յ.Դ. Ար­ցա­խի Կեդ­րո­նա­կան Կո­մի­տէի ան­դամ­ներ, Լեռ­նա­յին Ղա­րա­բա­ղի Ազ­գա­յին ժո­ղո­վի «­Դաշ­նակ­ցու­թիւն» խմբակ­ցու­թեան պատ­գա­մա­ւոր­ներ, Լեռ­նա­յին Ղա­րա­բա­ղի գոր­ծա­դիր իշ­խա­նու­թեանց Հ.Յ.Դ. ան­դամ­ներ, Հ.Յ.Դ. Ար­ցա­խի կա­ռոյ­ցի շրջա­նա­յին մար­մին­նե­րու ներ­կա­յա­ցու­ցիչ­ներ, կու­սակ­ցա­կան­ներ: Խորհր­դակ­ցու­թեան հրա­ւի­րո­ւած է փոր­ձա­գէտ Սու­րէն Պար­սեան:

Հ.Յ.Դ. Ար­ցա­խի Կեդ­րո­նա­կան Կո­մի­տէի ներ­կա­յա­ցու­ցիչ Դա­ւիթ Իշ­խա­նեան խորհր­դակ­ցու­թեան սկիզ­բը ը­սած է, որ ա­նի­կա կը մի­տի Ար­ցա­խի մէջ սահ­մա­նադ­րա­կան փո­փո­խու­թիւն­նե­րու ըն­թա­ցա­կար­գին շուրջ կու­սակ­ցա­կան­նե­րուն տե­սա­կէտ­ներն ու հիմ­նա­ւո­րում­նե­րը ի մի բե­րե­լու, որ­պէս­զի ա­նոր հի­ման վրայ Կեդ­րո­նա­կան Կո­մի­տէն յա­ռա­ջի­կա­յին վերջ­նա­կա­նա­պէս կա­րե­նայ բիւ­րե­ղաց­նել Հ.Յ.Դ. Ար­ցա­խի կա­ռոյ­ցին ամ­բող­ջա­կան տե­սա­կէ­տը: Դա­ւիթ Իշ­խա­նեան հա­մա­ռօտ կեր­պով անդ­րա­դար­ձած է Ար­ցա­խի ներ-քա­ղա­քա­կան զար­գա­ցում­նե­րուն, օ­րա­կար­գա­յին, ա­ռաջ­նա­հերթ խնդիր­նե­րուն` տո­ւեալ պա­րու­նա­կին մէջ կա­րե­ւոր նկա­տե­լով Հ.Յ.Դ. Ար­ցա­խի կա­ռոյ­ցին քա­ղա­քա­կան դե­րա­կա­տա­րու­թիւ­նը: Փոր­ձա­գէտ Սու­րէն Պար­սեան ներ­կա­յա­ցու­ցած է Հա­յաս­տա­նի մէջ տե­ղի ու­նե­ցած սահ­մա­նադ­րա­կան փո­փո­խու­թիւն­նե­րու ըն­թա­ցա­կար­գը եւ այդ հո­լո­վոյ­թին մէջ Հ.Յ.Դ.ի ու­նե­ցած դե­րա­կա­տա­րու­թիւ­նը: