2015 թո­ւա­կա­նի եր­րորդ ե­ռամ­սեա­կի տո­ւեալ­նե­րով՝ ­Հա­յաս­տա­նի մէջ ան­գործ­նե­րուն թի­ւը 220 հա­զար հո­գի է: 4 ­Փետ­րո­ւա­րին կա­յա­ցած մամ­լոյ ա­սու­լի­սի ըն­թաց­քին, այս մա­սին յայտ­նած է ­Հա­յաս­տա­նի Ազ­գա­յին ­Վի­ճա­կագ­րա­կան ­Ծա­ռա­յու­թեան աշ­խա­տա­կազ­մի աշ­խա­տան­քի վի­ճա­կագ­րու­թեան բա­ժի­նի պետ ­Լու­սի­նէ ­Քա­լան­թա­րեան:

Ա­նոր հա­մա­ձայն՝ նա­խորդ ե­ռամ­սեա­կին հետ բաղ­դա­տե­լով, այս թի­ւը նո­ւա­զած է 9 տո­կո­սով, իսկ 8 տո­կո­սով՝ 2014 թո­ւա­կա­նին հետ բաղ­դա­տած: «Ընդ­հա­նուր առ­մամբ հարց­մա­նը 24-25 հա­զար մարդ է մաս­նակ­ցում: Աշ­խա­տա­շու­կա­յի գնա­հատ­ման տե­սան­կիւ­նից որ­պէս աշ­խա­տու­նակ տա­րիք է հա­մար­ւում 16-63ը, իսկ ու­սում­նա­սի­րում ենք 15-75 տա­րե­կան մարդ­կանց: ­Դա նոյ­նա­նում է մեր երկ­րի աշ­խա­տան­քա­յին ռե­սուր­սի հետ»,- նշած է ­Քա­լան­թա­րեան:

2015ի եր­րորդ ե­ռամ­սեա­կի տո­ւեալ­նե­րուն հա­մա­ձայն՝ ­Հա­յաս­տա­նի մէջ կայ 2,1 մի­լիոն աշ­խա­տու­նակ բնակ­չու­թիւն. նա­խորդ ե­ռամ­սեա­կին հետ բաղ­դա­տե­լով՝ այդ ցու­ցա­նի­շը նո­ւա­զած է 2,9 տո­կո­սով:

Այս նպա­տա­կով կա­տա­րուած հար­ցա­խոյ­զին մաս­նա­կից­նե­րուն 60-64 տո­կո­սը կը հա­մա­պա­տաս­խա­նէ աշ­խա­տուժ բնո­րոշ­ման, այ­սինքն՝ այն­պի­սի մար­դիկ են, ո­րոնք կ­՛աշ­խա­տին ու աշ­խա­տանք կը փնտռեն։ Իսկ աշ­խա­տան­քա­յին մար­դու­ժի 37 տո­կո­սը կը կազ­մեն այն ան­ձե­րը, ո­րոնք աշ­խա­տանք չու­նին եւ տար­բեր պատ­ճառ­նե­րով չեն փնտռեր։ Տ­ղա­մարդ-կին յա­րա­բե­րակ­ցու­թեան մէջ, ան­գործ­նե­րուն 56 տո­կո­սը ե­ղած են կի­նե­րը, իսկ 44 տո­կո­սը՝ տղա­մար­դիկ:

«­Քա­ղաք-գիւղ յա­րա­բե­րակ­ցու­թեան մէջ տար­բե­րու­թիւ­նը բա­ւա­կա­նին մեծ է. գոր­ծա­զուրկ­նե­րի 88 տո­կո­սը քա­ղա­քում է եւ ըն­դա­մէ­նը 12 տո­կո­սը՝ գիւ­ղե­րում: 2015ի եր­րորդ ե­ռամ­սեա­կի տո­ւեալ­նե­րով՝ գոր­ծազր­կու­թեան մա­կար­դա­կը կազ­մել է 16,6 տո­կոս: ­Նա­խորդ ե­ռամ­սեա­կի հա­մե­մատ, գոր­ծազր­կու­թեան մա­կար­դա­կը նո­ւա­զել է»,- յայտ­նած է ­Լու­սի­նէ ­Քա­լան­թա­րեան: