­Այս տա­րո­ւան ա­ռա­ջին կի­սա­մեա­կին նա­խորդ տա­րո­ւան նոյն ժա­մա­նա­կա­հա­տո­ւա­ծի հա­մե­մատ ­Հա­յաս­տա­նի մէջ ար­ձա­նագ­րո­ւած է աշ­խա­տան­քի մար­դու­ժի նո­ւա­զում, այ­սինքն` նո­ւա­զած է աշ­խա­տող­նե­րու ցու­ցա­նի­շը:

Այս մա­սին այ­սօր լրագ­րող­նե­րու հետ հան­դիպ­ման ժա­մա­նակ` ըստ panorama.amի՝ ը­սած է Հ.Հ. Ազ­գա­յին Վի­ճա­կագ­րա­կան Ծա­ռա­յու­թեան Աշ­խա­տան­քի վի­ճա­կագ­րու­թեան բաժ­նի պետ ­Լու­սի­նէ ­Քա­լան­թա­րեա­ն`  ներ­կա­յաց­նե­լով աշ­խա­տան­քի շու­կա­յին մէջ առ­կայ խնդիր­նե­րը:

Ա­նոր խօս­քե­րով` զբա­ղո­ւա­ծու­թեան խնդի­րը առ­կայ է ոչ միայն ­Հա­յաս­տանի, այլ նաեւ` ամ­բողջ աշ­խար­հի մէջ:

Իսկ  խնդիր­նե­րու վե­րա­բե­րեալ, ըստ ա­նոր, աշ­խա­տան­քի վի­ճա­կագ­րու­թեան բա­ժի­նը պար­բե­րա­բար դի­տար­կում կ­՛ի­րա­կա­նաց­նէ: Լ.­Քա­լան­թա­րեա­ն տե­ղե­կա­ցու­ցած է, որ դի­տար­կում­նե­րը ի­րա­կա­նա­ցո­ւած են 15էն  75 տա­րե­կան­նե­րու մօտ: ­Վեր­ջին տո­ւեալ­նե­րը 2015 թո­ւա­կա­նի երկ­րորդ ե­ռամ­սեա­կին կը վե­րա­բե­րին:

­Դի­տար­կում­նե­րուն հա­մա­ձայն` աշ­խա­տան­քի մար­դուժ կը կազ­մէ 2,1 մի­լիոն մարդ,  ինչ որ նա­խորդ ե­ռամ­սեա­կի հա­մե­մատ նո­ւա­զած է:

«Աշ­խա­տան­քա­յին շու­կա­յում ակ­տիւ մաս­նակ­ցու­թիւն ու­նե­ցող­նե­րը կազ­մում են 63 %: Դ­րանք զբա­ղո­ւած­նե­րը եւ գոր­ծա­զուրկ­նե­րը միա­սին են, ով­քեր աշ­խա­տանք են փնտռում:

«Մ­նա­ցած 37 տո­կոսն աշ­խա­տանք չու­նի եւ չի էլ փնտռում: Ն­րանց գե­րակ­շիռ մա­սը ու­սա­նող­ներն են եւ տնա­յին տնտե­սու­թիւն վա­րող­նե­րը, նաեւ կեն­սա­թո­շա­կա­յին տա­րի­քում գտնո­ւող­նե­րը»,- նշած է ­Լու­սի­նէ ­Քա­լան­թա­րեա­նը` ա­ւելց­նե­լով, որ ընդ­հա­նուր առ­մամբ 242 հա­զար մարդ այ­սօր գոր­ծա­զուրկ է:

Անդ­րա­դառ­նա­լով աշ­խա­տանք փնտռե­լու մի­ջոց­նե­րուն` Ա.Վ.Ծ. ներ­կա­յա­ցու­ցի­չը ը­սած է, որ ա­ւան­դա­կան ձե­ւը կը շա­րու­նա­կէ  մնալ ծա­նօթ-բա­րե­կա­մի մի­ջո­ցը, թէեւ, ըստ ա­նոր, ի տար­բե­րու­թիւն նա­խորդ տա­րի­նե­րուն, այժմ ա­ւե­լի շատ աշ­խա­տանք փնտռե­լու հա­մար նա­խե­ւա­ռաջ կը դի­մեն գոր­ծա­տո­ւին, յե­տոյ նոր` ծա­նօթ-բա­րե­կա­մի:

Ն­շո­ւած է նաեւ, որ աշ­խա­տող­նե­րուն 51 տո­կո­սը տղա­մար­դիկ են, 49 տո­կո­սը`  կա­նայք, իսկ գոր­ծա­զուրկ­նե­րուն 52 տո­կո­սը կա­նայք են, 48ը` տղա­մար­դիկ: