Պուլկարիոյ մայրաքաղաք Սոֆիայի մէջ Նոյեմբեր 20ին տեղի ունեցաւ «Մանկական Եւրոտեսիլ 2015» մրցոյթը: Հայաստանի պատուիրակ 12ամեայ Միքա ելոյթ ունեցաւ 11րդ թիւով՝ կատարելով  Աւետ Բարսեղեանի եւ Լիլիթ Նաւասարդեանի հեղինակած «Love» երգը:

Մրցոյթէն ետք մեկնարկած քուէարկութեան արդիւնքներով, ինչպէս նաեւ դատական կազմի  գնահատականներով, Միքա ստացաւ 176 միաւոր եւ գրաւեց երկրորդ տեղը:
«Մանկական Եւրոտեսիլ 2015» մրցոյթին 185 միաւորով յաղթեց Մալթայի ներկայացուցիչ Տեսթինի Չուքուներէն «Not My Soul» («Ոչ իմ հոգիս») երգով: