«Մանկական Եւրոտեսիլ-2015» երգի միջազգային հեղինակաւոր մրցոյթի հայաստանեան ներկայացուցիչ Միքա (Միքայէլ Վարոսեան) ելոյթ պիտի ունենայ համերգային երկրորդ հատուածին մէջ. մրցութային «LOVE» խորագիրը կրող երգը  պիտի հնչէ 11րդ համարի ներքոյ: Այս մասին յայտնեցին Առաջին Ալիքի

հասարակութեան հետ կապերու բաժինէն:
Մասնակից պետութիւններու ներկայացուցիչները ելոյթ պիտի ունենան հետեւեալ հերթականութեամբ՝
1. Սերպիա
2. Վրաստան
3.  Սլովենիա
4.  Իտալիա
5.  Հոլանտա
6.  Աւստրալիա
7.  Իրլանտա
8.  Ռուսիա
9.  Մակեդոնիա
10.  Պելառուսիա
11.  Հայաստան
12.  Ուքրանիա
13.  Պուլկարիա
14.  Սան Մարինօ
15.  Մալթա
16.  Ալպանիա
17.  Մոնթենեկրօ

Աղբիւրը կը յիշեցնէ,  որ Հայաստանի պատուիրակութիւնը արդէն Պուլկարիա է, ուր սկսած են փորձեր եւ տարբեր հանդիպումներ:
Երգի մրցոյթը այս տարի տեղի պիտի ունենայ Նոյեմբեր 21ին Պուլկարիոյ մայրաքաղաք Սոֆիայի մէջ: Այս տարուան նշանաբանն է #Discover (Բացայայտէ՛): Մրցոյթը այս տարի տեղի պիտի ունենայ Armeec համերգասրահին մէջ, որ կառուցուած  է 2011 թուականին եւ կը հիւրընկալէ շուրջ 8000 հանդիսատես: