Հա­յաս­տա­նի պաշտ­պա­նու­թեան նա­խա­րա­րու­թեան վար­չա­կան հա­մա­լի­րին մէջ 30 Հոկ­տեմ­բե­րին տե­ղի ու­նե­ցած է պաշտ­պա­նու­թեան նա­խա­րա­րին կից անձ­նա­կազ­մի հեր­թա­կան նիս­տը՝ յատ­կա­ցո­ւած Հա­յաս­տա­նի պաշտ­պա­նու­թեան ռազ­մա­վա­րա­կան վե­րա­նայ­ման ար­դիւնք­նե­րու հի­ման վրայ Հա­յաս­տա­նի զի­նո­ւած ու­ժե­ րու զար­գաց­ման 2016–2020 թո­ւա­կան­նե­րու շրջա­փու­լի նա­խա­պատ­րաս­տա­կան աշ­խա­տանք­նե­րուն, զար­գաց­ման ծրա­գի­րի հիմ­նա­կան ուղ­ղու­թիւն­նե­րու քննարկ­ման:

Հայ­կա­կան եր­կու հան­րա­պե­տու­թիւն­նե­րու զի­նո­ւած ու­ժե­րու փոխ-գոր­ծակ­ցու­թեան եւ գոր­ծո­ղու­թիւն­նե­րու հա­մադր­ման ծի­րին մէջ նիս­տին մաս­նակ­ցած են Լեռ­նա­յին Ղա­րա­բա­ղի պաշտ­պա­նու­թեան բա­նա­կի հրա­մա­նա­տա­րա­կան կազ­մի ներ­կա­յա­ցու­ցիչ­նե­րը:

Ող­ջու­նե­լով նիս­տին մաս­նա­կից­նե­րը՝ պաշտ­պա­նու­թեան նա­խա­րար Սէյ­րան Օ­հա­նեան Հա­յաս­տա­նի պաշտ­պա­նու­թեան եւ ա­պա­հո­վու­թեան հա­մա­կար­գի հե­ռան­կա­րա­յին զար­գաց­ման ա­ռու­մով կա­րե­ւոր նկա­տած է պաշտ­պա­նու­թեան ար­դէն երկ­րորդ ռազ­մա­վա­րա­կան վե­րա­նայ­ման գոր­ծըն­թա­ցի անհ­րա­ժեշ­տու­թիւնն ու ար­դիա­կա­նու­թիւ­նը: «­Գոր­ծըն­թաց, ո­րի վերջ­նան­պա­տակն է ա­պա­հո­վել Հա­յաս­տա­նի զի­նո­ւած ու­ժե­րի եր­կա­րա­ժամ­կէտ եւ կա­յուն զար­գա­ցու­մը, ընդ­լայ­նել զի­նո­ւած ու­ժե­րի մար­տա­կան կա­րո­ղու­թիւն­նե­րը», նշած է ան: Նիս­տի ըն­թաց­քին անդ­րա­դարձ կա­տա­րո­ւած է զի­նո­ւած ու­ժե­րու զար­գաց­ման ծրա­գի­րի կա­տար­ման ըն­թաց­քին, ռազ­մա­վա­րա­կան վե­րա­նայ­ման իւ­րա­քան­չիւր փու­լի հիմ­նա­կան եզ­րա­յան­գում­նե­րուն եւ խնդրա­յա­րոյց հար­ցե­րուն, բա­նա­կին մէջ ներդ­րո­ւած «­Խե­լա­ցի պաշտ­պա­նու­թիւն», «Հ­րա­մա­նատ­րում՝ ա­ռա­ջադ­րան­քի մի­ջո­ցով» ղե­կա­վար­ման սկզբունք­նե­րու եւ մօ­տե­ցում­նե­րու կի­րառ­ման գործ­նա­կան ար­դիւնք­նե­րուն, մի­ջազ­գա­յին ռազ­մա­կան հա­մա­գոր­ծակ­ցու­թեան կա­րե­լիու­թիւն­նե­րու ընդ­լայն­ման, զօ­րա­յին կա­ռոյ­ցի կա­տա­րե­լա­գործ­ման եւ ընդ­հա­նուր առ­մամբ պաշտ­պա­նա­կան հա­մա­կար­գի վե­րա­փոխ­ման կա­րե­ւո­րա­գոյն ուղ­ղու­թիւն­նե­րուն: Քն­նար­կո­ւած են Հա­յաս­տա­նի ա­պա­հո­վու­թեան մի­ջա­վայ­րին շուրջ առ­կայ եւ հա­ւա­նա­կան սպառ­նա­լիք­նե­րը, ա­նոնց հա­կազ­դե­լու մե­քա­նիզմ­ներն ու ռազ­մա­վա­րա­կան բնոյ­թի քայ­լե­րը: Օ­րա­կար­գա­յին հար­ցե­րուն վե­րա­բե­րեալ տե­ղի ու­նե­ցած է կար­ծիք­նե­րու փո­խա­նա­կում, ներ­կա­յացուած են ա­ռա­ջարկ­ներ։