«ՀՀ Ազգային Ժողովի կանոնակարգ» օրէնքի 20րդ յօդուածին համաձայն` երէկ, Նոյեմբեր 21ին, ԱԺ նախագահ Յովիկ Աբրահամեան վերահաստատեց ԱԺ նախագահի պաշտօնէն հրաժարականի մասին իր դիմումը, որ ներկայացուցած էր Նոյեմբեր 14ին` Ազգային ժողովի նիստին:
«ՀՀ ԱԺ կանոնակարգ» օրէնքի 19րդ յօդուածի 2րդ կէտին համաձայն` եթէ Ազգային ժողովի նախագահի պաշտօնը թափուր է, ուրեմն Ազգային ժողովի նախագահի պարտականութիւնները կը կատարէ Ազգային ժողովի նախագահի այն տեղակալը, որ պաշտօնին ընտրուելու ժամանակ ստացած է առաւել շատ ձայները: Ուստի, ՀՀ ԱԺ նախագահի տեղակալ Սամուէլ Նիկոյեան, որ ընտրութեան ժամանակ ստացած էր առաւել ձայներ (104 կողմ ), յետ այսու պիտի կատարէ Ազգային Ժողովի նախագահի պարտականութիւնները: