Լ.Ղ.Հ. Հադ­րու­թի շրջա­նի Տող գիւ­ղին մէջ Հոկ­տեմ­բեր 17ին կա­յա­նա­լիք Ար­ցա­խեան Գի­նիի Փա­ռա­տօ­նի կազ­մա­կեր­պիչ յանձ­նա­ժո­ղո­վը հրա­պա­րա­կած է փա­ռա­տօ­նի մշա­կու­թա­յին ծրա­գի­րը:
Լ.Ղ.Հ. տնտե­սու­թեան նա­խա­րա­րու­թեան տե­ղե­կու­թիւն­նե­րով, ծրա­գի­րը կը նե­րա­ռէ բաց­ման հան­դի­սա­ւոր ա­րա­րո­ղու­թիւն, ե­րաժշ­տա­կան հա­մերգ, ազ­գագ­րա­կան պա­րեր ու խա­ղեր, ձեռ­քի աշ­խա­տանք­նե­րու ցու­ցա­հան­դէս-վա­ճառք, խա­ղար­կու­թիւն եւ ա­ճուրդ: Բաց­ման հան­դի­սա­ւոր ա­րա­րո­ղու­թիւ­նը պի­տի ազ­դա­րարուի տաշ­տի մէջ խա­ղո­ղը ճզմե­լու ծի­սա­կա­տա­րու­թեամբ եւ նա­խորդ տա­րո­ւան ա­րա­րո­ղու­թե­նէն ստացուած գի­նիի շշալցու­մով: Ե­րաժշ­տա­կան հա­մեր­գին պի­տի մաս­նակ­ցին «­Մենք ենք մեր սա­րե­րը» խում­բը, Տո­ղի ա­րո­ւես­տի դպրո­ցի ա­շա­կերտ­նե­րը, Կով­սա­կա­նի ազ­գագ­րա­կան պա­րա­խում­բը: Հա­մեր­գին ե­լոյթ պի­տի ու­նե­նայ նաեւ «­Հա­յաս­տա­նի ձայ­նը» հե­ռուս­տա­նա­խա­գի­ծի մաս­նա­կից Լի­լիթ Ա­ւա­նե­սեան: Փա­ռա­տօ­նի մշա­կու­թա­յին ծրա­գի­րին պի­տի մաս­նակ­ցի նաեւ դե­րա­սան, Հ.Հ. ժո­ղովր­դա­կան ար­տիստ Հ­րանդ Թո­խա­տեան: Ձեռ­քի աշ­խա­տանք­նե­րու ցու­ցա­հան­դէս-վա­ճառ­քին պի­տի ներ­կա­յա­ցո­ւին ար­ցա­խեան վար­պետ­նե­րու կող­մէ պատ­րաս­տուած յու­շա­նո­ւէր­ներ, ար­ցա­խեան գոր­գեր, կա­ւէ ա­մա­նե­ղէն, ար­ցա­խեան զար­դեր եւ այլն: Ձեռ­նար­կի ողջ ըն­թաց­քին Տո­ղի Մե­լի­քա­կան Ա­պա­րան­քի տա­րած­քին պի­տի կազ­մա­կեր­պուին տար­բեր ազ­գագ­րա­կան խա­ղեր եւ պա­րե­րու ու­սու­ցում` փա­ռա­տօ­նի հիւ­րե­րու մաս­նակ­ցու­թեամբ: Բա­ցի Գի­նիի Տօ­նա­վա­ճա­ռէն, Տող գիւ­ղի եւ մօ­տա­կայ հա­մայնք­նե­րու ներդ­րու­մով, պի­տի կազ­մա­կեր­պո­ւի նաեւ Ար­ցա­խեան բա­րիք­նե­րու տօ­նա­վա­ճառ, ուր պի­տի ներ­կա­յա­ցո­ւի գիւ­ղա­կան ար­տադ­րանք: Փա­ռա­տօ­նի ա­ւար­տին հիւ­րե­րուն կը սպա­սո­ւի վի­ճա­կա­խաղ եւ ա­ճուրդ` ժա­ման­ցը ա­ւե­լի հե­տաքրք­րա­կան դարձնե­լու նպա­տա­կով: Ն­շենք, որ ար­ցա­խեան Գի­նիի Փա­ռա­տօ­նը ա­մե­նա­մեայ տօ­նախմ­բու­թիւն է, որ կը կազ­մա­կեր­պո­ւի Հոկ­տեմ­բե­րի եր­րորդ շա­բաթ օ­րը: Ա­նի­կա նպա­տակ ու­նի զար­գաց­նե­լու հա­մայնք­նե­րու հա­սա­րա­կա­կան-տնտե­սա­կան եւ մշա­կու­թա­յին կեան­քը, ինչ­պէս նաեւ ստեղ­ծե­լու հան­դիպ­ման հար­թակ՝ Լ.Ղ.Հ. եւ Հ.Հ. գի­նե­գործ­նե­րու մի­ջեւ: Փա­ռա­տօ­նին ի­րենց ար­տադ­րան­քը պի­տի ներ­կա­յաց­նեն Լ.Ղ.Հ. շրջան­նե­րէն եւ Հ.Հ.էն ժա­մա­նած գի­նի ար­տադ­րող­նե­րը: Նա­խորդ տա­րի փա­ռա­տօ­նին մաս­նակ­ցած են 24 գի­նե­գործ եւ ա­ւե­լի քան 1500 հիւր Ար­ցա­խէն, Հ.Հ.էն եւ ար­տերկ­րէն: