Իր գործունէութեան տասը տարիներու ընթացքին, ընկերային պատասխանատուութեան ծրագիրներու ծիրին մէջ «Վիվասել-Էմ.Թի.Էս.» մօտաւորապէս 6,9 միլիառ դրամի ներդրում կատարած է Հայաստանի գիւղական համայնքներու զարգացման համար:
– Բնակարաններ Գիւմրիի եւ Վանաձորի` երկրաշարժէն տուժած կարիքաւոր 40 ընտանիքի,
– Ջրամատակարարման համակարգի կառուցում,
– Ըմպելի ջուրի ապահովում եւ ջրամատակարարում գրեթէ չունեցող շարք մը գիւղերու մէջ,
– Այլընտրանքային ուժանիւթի ենթակառուցուածքի ստեղծում արտաքին լուսաւորման եւ ջեռուցման համակարգերուն համար,
– Ջեռուցման համակարգի ապահովում մանկապարտէզներու եւ դպրոցներու մէջ,
– Պաշտպանիչ պատի կառուցում սահմանամերձ գիւղերու մէջ,
– Ելեկտրական ցանկապատի կառուցում ընտանի անասունները եւ անասնագոմերը գիշատիչներու յարձակումներէն պաշտպանելու նպատակով,
– Աջակցութիւն Կոշ համայնքին մէջ գործող` փոքրիկներու ցերեկային խնամքի եւ վերականգնողական կեդրոնին,
– Նորածնային խնամքի բժշկական սարքաւորումներու տրամադրում մարզային ծննդատուներուն,
– Բժշկական սարքաւորումներով արդիականացուած շտապ օգնութեան մեքենաներու տրամադրում մարզային բժշկական կեդրոններուն, ինչպէս նաեւ գործակարգավարական համակարգի արդիականացում,
– Հաշմանդամներու կարիքներուն յարմարեցուած մեքենաներու տրամադրում` ներառական կրթութեան ծրագիրներու շրջանակին մէջ,
– Արագ արձագանգման 911 հեռախօսահամարի տեղայնացում,
– Կիսակառոյց տուներու շինարարութեան աւարտ եւ վերանորոգման աշխատանքներ գիւղական, ներառեալ` սահմանամերձ համայնքներու մէջ,
– Մարզային կրթական հաստատութիւններու եւ մշակութային օճախներու վերանորոգում,
– Ուսանողներու կրթաթոշակի ապահովում,
– Համակարգչային սենեակներու ստեղծում մարզային կրթական հաստատութիւններու մէջ,
– Մարզային կրթական հաստատութիւններու մէջ համացանցի կապի ապահովում,
– Ասպարէզի զարգացման ծրագիրի շրջանակին մէջ դասախօսութիւններու եւ դասընթացքներու կազմակերպում` մարզերու համալսարաններու ուսանողներու համար,
– Մշտադիտարկման ժամանակակից սարքաւորումներու տրամադրում Ուրցաձորի կենսոլորտային կրթական կեդրոնին,
– Բազային նոր կայանի կառուցում Կովկասեան կենսաբազմազանութեան ապաստարանի տարածքին` Ուրցաձորի կենսոլորտային-կրթական կեդրոնի հարեւանութեամբ եւ այլ ծրագրեր:
«Վիվասել-Էմ.Թի.Էս.» ստեղծած է մօտաւորապէս 204 կայուն աշխատատեղ մարզերու մէջ` մարզային 54 եւ շարժական 10 սպասարկման կեդրոններու միջոցով:
«Գիւղական համայնքներու զարգացումը կ՛ենթադրէ գիւղի եւ քաղաքի, մարզերու եւ մայրաքաղաքի միջեւ կեանքի որակի տարբերութեան կրճատում: Այս մէկը կարեւոր է օգնելու յատկապէս պատերազմէ եւ բնական աղէտներէ տուժած սահմանամերձ բնակավայրերուն: Մենք, իբրեւ ընկերութիւն եւ անհատներ, կ՛ընենք մեր կարելին, որպէսզի մարզերու մէջ բնակող մեր հայրենակիցները չյուսահատին, լքուած չզգան եւ շարունակեն հաւատալ իրենց փոքրիկներուն լուսաւոր ապագային: Մայրաքաղաքի կամ սահմանամերձ գիւղի մէջ ծնած ըլլալու փաստը պայմանաւորուած է մեզմէ անկախ հանգամանքներով, եւ ոչ` մեր կամաւոր ընտրութեամբ: Իբրեւ գիտակից անհատ գործելը լիովին մեր ընտրութիւնն է: Մենք` վաղուան օրով մտահոգ հայերս, յաղթահարելով բազմաթիւ մարտահրաւէրներ, պէտք է շարունակենք կերտել մեր ապագան. ոչ ոք այդ չի կատարեր մեր տեղը: Ընտրութիւնը մերն է. կրնանք ապրիլ յանուն անհատական երջանկութեան` հոգ տանելով մեր վրայ, եւ կամ երջանկութեան բանաձեւ դիտարկել հանրային բարօրութեան կերտման մեր մասնակցութիւնը: «Վիվասել-Էմ.Թի.Էս.» ջանք չի խնայեր, որպէսզի առօրեայ կեանքի մէջ չհեռանանք հանրային բարօրութեան կերտման տակաւին տասը տարի առաջ ընդունած արժեհամակարգէն` ընկերային պատասխանատուութենէն»,- ըսած է «Վիվասել-Էմ.Թի.Էս.»ի գլխաւոր տնօրէն Ռալֆ Եիրիկեան:
Գործունէութեան առաջին իսկ տարիներէն ընկերային պատասխանատուութիւնը որդեգրելով իբրեւ առանցքային ռազմավարական մօտեցում` ընկերութիւնը կը շարունակէ առաջնորդուիլ ընկերակցական եւ ընկերային պատասխանատուութեան սկզբունքներով, բոլոր` կարճատեւ եւ երկարատեւ ծրագիրներու նախագծման եւ իրականացման հարցին մէջ: Ընդհանուր առմամբ, «Վիվասել-Էմ.Թի.Էս.» 23,8 միլիառ դրամ յատկացուցած է Երեւանի եւ Հայաստանի մարզերուն մէջ` ընկերակցական պատասխանատուութեան նախաձեռնութիւններու իրագործման նպատակով: