Ար­ցա­խի ­­Հան­րա­պե­տու­թեան եւ ­­Հա­յաս­տա­նի ­­Հան­րա­պե­տու­թեան նա­խա­գահ­ներ ­­Բա­կօ ­­Սա­հա­կեան եւ ­­Սերժ ­­Սարգ­սեան ­­Սեպ­տեմ­բեր 2ին մաս­նակ­ցած են Ս­տե­փա­նա­կեր­տի մէջ «­­Թու­մօ» ստեղ­ծա­րար ճար­տա­րա­գի­տու­թիւն­նե­րու կեդ­րո­նի բաց­ման հան­դի­սա­ւոր ա­րա­րո­ղու­թեան: Այս մա­սին կը հա­ղոր­դէ Լ.Ղ.Հ. նա­խա­գա­հի աշ­խա­տա­կազ­մի տե­ղե­կատո­ւու­թեան գլխա­ւոր վար­չու­թիւ­նը։

­­Նա­խա­գահ ­­Սա­հա­կեան իր խօս­քին մէջ նշած է, որ նման կեդ­րո­նի գոր­ծու­նէու­թիւ­նը նոր ո­րակ պի­տի հա­ղոր­դէ Ար­ցա­խի մէջ ե­րի­տա­սարդ­նե­րու մտա­ւոր նե­րու­ժի զար­գաց­ման եւ ժա­մա­նա­կա­կից ճար­տա­րա­գի­տու­թիւն­նե­րու կի­րառ­ման գոր­ծըն­թա­ցին: Արցախի նախագահը ե­րախ­տա­գի­տու­թիւն յայտ­նած է ­­Հայ Բա­րե­գոր­ծա­կան Ընդ­հա­նուր Միու­թեան, «­­Սի­մո­նեան»  հիմ­նադ­րա­մին եւ «­­Ղա­րա­բաղ ­­Տե­լե­կոմ» ըն­կե­րու­թեան հայ­րե­նա­նուէր այս նա­խա­ձեռ­նու­թիւ­նը ի­րա­կա­նաց­նե­լու հա­մար` նշե­լով, որ ա­տի­կա Լ.Ղ.Հան­րա­պե­տու­թեան մէջ մարդ­կա­յին դրա­մագ­լու­խի զար­գաց­ման գոր­ծի լա­ւա­գոյն ներդ­րում­նե­րէն է: ­­Կեդ­րո­նին մէջ շրջայ­ցի ժա­մա­նակ նա­խա­գահ­նե­րը ծա­նօ­թա­ցած են կրթա­կան այս հաս­տա­տու­թեան պայ­ման­նե­րուն եւ ու­սուց­ման ծրագ­րին: Ըստ պա­տաս­խա­նա­տու­նե­րու, ծրա­գի­րը հա­սա­նե­լի պի­տի ըլ­լայ ա­ւե­լի քան 500 ու­սա­նո­ղի, ո­րոնցմէ իւ­րա­քան­չիւ­րը «­­Թու­մօ»ի մէջ շա­բա­թա­կան եր­կու օր պի­տի սոր­վի կեդ­րո­նի չորս հիմ­նա­կան ո­լորտ­նե­րու` ա­նի­մա­ցիա­յի, ֆիլ­մե­րու ստեղծ­ման, կայ­քե­րու մշակ­ման եւ խա­ղե­րու ստեղծ­ման հի­մունք­նե­րը, ինչ­պէս նաեւ պի­տի ստա­նայ 21րդ ­դա­րուն բնո­րոշ այն­պի­սի հմտու­թիւն­ներ, ինչ­պէս 3D ձե­ւա­ւո­րու­մը, ռո­պո­թա­շի­նու­թիւ­նը, լու­սան­կար­չու­թիւ­նը, կրա­ֆի­քա­կան ձե­ւա­ւո­րու­մը եւ այլն: