­Հա­յաս­տա­նի Հա­մա­հայ­կա­կան 6րդ­ ա­մառ­նա­յին մար­զա­խա­ղե­րը կ­’ընդգր­կեն 17 մար­զա­ձե­ւեր, ո­րոնց ի­րենց մաս­նակ­ցու­թիւ­նը կը բե­րեն Հա­յաս­տա­նէն, Ար­ցա­խէն եւ Ս­փիւռ­քի գա­ղութ­նե­րէն 6.350 մար­զիկ­ներ

Ե­րե­ւա­նի Վազ­գէն Սարգ­սեա­նի ա­նո­ւան Հան­րա­պե­տա­կան մար­զա­դաշ­տին մէջ, ե­րէկ Կի­րա­կի 2 Օ­գոս­տոս 2015ին, փայ­լուն ա­րա­րո­ղու­թեամբ, հան­դի­սա­ւոր

բա­ցու­մը կա­տա­րո­ւե­ցաւ Հա­մա­հայ­կա­կան 6րդ­ ա­մառ­նա­յին խա­ղե­րուն։ Բաց­ման ա­րա­րո­ղու­թեան ներ­կայ էին Հա­յաս­տա­նի Հան­րա­պե­տու­թեան նա­խա­գահ Սերժ Սարգ­սեա­ն, Ազ­գա­յին Ժո­ղո­վի նա­խա­գահ Յո­վիկ Աբ­րա­հա­մեա­ն, ՀՀ Պաշտ­պա­նու­թեան նա­խա­րար Սէյ­րան Օ­հա­նեա­ն, Ե­րե­ւա­նի քա­ղա­քա­պետ Տա­րօն Մար­գա­րեա­ն, պաշ­տօ­նա­տար ան­ձեր, Հա­յաս­տա­նէն մար­զա­սէր­ներ եւ Ս­փիւռ­քէն ժա­մա­նած հիւ­րեր։

Պաշ­տօ­նա­կան բաց­ման ա­րա­րո­ղու­թիւ­նը ներ­կա­նե­րուն հրամ­ցուց Հա­յոց պատ­մու­թեան փա­ռա­պանծ է­ջե­րու ա­մէ­նէն լու­սա­ւոր եւ յի­շար­ժան դէպ­քե­րը, հայ ժո­ղո­վուր­դի պատ­մու­թեան կա­րե­ւոր թո­ւա­կան­նե­րը։

Պա­տո­ւոյ պա­հա­կա­խում­բի ու­ղեկ­ցու­թեամբ մար­զա­դաշտ բերո­ւե­ցաւ ՀՀ պե­տա­կան դրօ­շա­կը։ Հա­մա­հայ­կա­կան խա­ղե­րու դրօ­շա­կը մար­զա­դաշտ բերուե­ցաւ ո­ղիմ­պիա­կան մրցում­նե­րու ա­խո­յեան­նե­րու ձե­ռամբ, իսկ ջա­հը վա­ռո­ւե­ցաւ հայ­կա­կան մարմ­նա­մար­զու­թեան եւ հա­մաշ­խար­հա­յին սպոր­տի մե­ծա­գոյն դէմ­քե­րէն, ո­ղիմ­պիա­կան մրցում­նե­րու կրկնա­կի ա­խո­յեան, օ­ղակ­նե­րու մար­զա­ձե­ւի չամ­փիոն Ալ­պերթ Ա­զա­րեա­նի կող­մէ։ Խօսք ա­ռաւ ՀՀ նա­խա­գահ Սերժ Սարգ­սեան, որ խօ­սե­ցաւ խա­ղե­րու իւ­րա­յատ­կու­թեան մա­սին, շեշ­տե­լով թէ ներ­կայ ե­ղող բո­լոր մար­զիկ­նե­րը կա­պո­ւած են մէկ ընդ­հան­րու­թեամբ՝ հայ­կա­կան ինք­նու­թեամբ։ «Որ­քան էլ նոր ու լրա­ցու­ցիցչ տար­բեր ինք­նու­թիւն­նե­րի շեր­տեր ա­ւե­լա­նան, հա­յու­թիւ­նը, հայ լի­նե­լը մեր բո­լո­րի մայր ինք­նու­թիւնն է։ Այդ ինք­նու­թիւնն է, որ Հա­յոց Ցե­ղաս­պա­նու­թեան ո­գե­կոչ­ման մի­ջո­ցա­ռում­նե­րով բնո­րո­շո­ւող այս տա­րում մեզ կրկնել է տա­լիս 2015ի կար­գա­խօ­սը՝ յի­շում ենք ու պա­հան­ջում։ Այ­սօր այս հան­դի­սա­ւոր ա­րա­րո­ղու­թեա­նը մաս­նակ­ցում են մայր Հա­յաս­տա­նի, Ար­ցա­խի եւ Ս­փիւռ­քի տար­բեր օ­ճախ­նե­րի ե­րի­տա­սարդ սե­րուն­դի ներ­կա­յա­ցու­ցիչ­ներ։

Դուք այս օ­րե­րին այս խա­ղե­րի ըն­թաց­քում, պի­տի մրցէք հա­յե­րին վա­յել՝ ազ­նիւ ու ար­դար, իս­կա­կան ո­ղիմ­պիա­կան ո­գիով։ Այս օ­րե­րին դուք կը գտնէք նոր բա­րե­կամ­ներ եւ ձեր այդ ըն­կե­րու­թեան կրա­կը վառ կը պա­հէք ձեր ամ­բողջ կեան­քի ըն­թաց­քում։ Վս­տահ եմ որ Հա­մա­հայ­կա­կան խա­ղե­րի կրա­կը ձեզ դեռ շատ եր­կար կ­’ուղ­ղոր­դի» յայ­տա­րա­րեց Հ.Հ. նա­խա­գա­հը, շեշ­տե­լով՝ «­Լի­նենք միա­սին, որ այ­լեւս չպար­տո­ւենք»։ Ա­պա բա­ցո­ւած յայ­տա­րա­րեց 6րդ Հա­մա­հայ­կա­կան խա­ղե­րը։

Յա­ջոր­դեց հրա­վա­ռու­թիւն եւ հայ­կա­կան ազ­գա­յին-ժո­ղովր­դա­կան եր­գե­րով ու պա­րե­րով հա­մերգ։ Քո­չա­րի պա­րե­րուն միա­ցան մար­զիկ­նե­րու ու­րախ պա­րե­րը, որ եր­կար տե­ւե­ցին մին­չեւ հա­մեր­գին ա­ւար­տը։

Յու­նաս­տա­նի ե­րեք քա­ղաք­նե­րու մաս­նակ­ցու­թիւն

Հա­յաս­տա­նի Հա­մա­հայ­կա­կան 6րդ­ ա­մառ­նա­յին խա­ղե­րուն ի­րենց մաս­նակ­ցու­թիւ­նը կը բե­րեն Հա­յաս­տա­նէն, Ար­ցա­խէն եւ Ս­փիւռ­քէն շուրջ 6.350 մար­զիկ­ներ, ինչ որ մաս­նա­կից­նե­րու ան­նա­խա­դէպօ­րէն բարձր թիւ կը կազ­մէ։

Տաս օ­րո­ւայ ըն­թաց­քին, ա­նոնք պի­տի մրցին 17 մար­զա­ձե­ւե­րու մէջ՝ ոտ­նագն­դակ, մի­նի ոտ­նագըն­դակ, կո­ղո­վագն­դակ, վո­լէյ­պոլ, թե­նիս, փինկ-փոնկ, ճատ­րակ, պատ­մին­թըն, լող, ա­ւա­զի վո­լէյ­պոլ, սպոր­տա­յին պա­րեր, կոլֆ, հանտ­պոլ ե­ւալն։

Ի տար­բե­րու­թիւն նա­խորդ տա­րի­նե­րուն, բա­ցի Ե­րե­ւա­նէն մրցում­ներ պի­տի կա­յա­նան նաեւ Ս­տե­փա­նա­կեր­տի, Գիւմ­րիի, Վա­նա­ձո­րի, Ա­բո­վեա­նի, Ար­տա­շա­տի եւ Էջ­միած­նի մէջ։

Մար­զիկ­նե­րը տո­ղան­ցի ժա­մա­նակ դաշտ մտան խումբ-խումբ ա­ռաջ­նոր­դո­ւե­լով եւ ներ­կա­յաց­նե­լով ի­րենց քա­ղաք­նե­րը։ Հան­դի­սա­տես­նե­րուն առ­ջե­ւէն տո­ղան­ցե­ցին 165 քա­ղաք­ներ ներ­կա­յաց­նող պատուի­րա­կու­թիւն­նե­րը։

Յու­նաս­տան եւս բազ­ման­դամ պա­տո­ւի­րա­կու­թեամբ իր մաս­նակ­ցու­թիւ­նը կը բե­րէ մրցում­նե­րուն։ Ա­թէն­քէն 38, Փի­րէա­յէն 42 եւ Թե­սա­ղո­նի­կէէն 17 մար­զիկ­նե­րու մաս­նակ­ցու­թեամբ կազ­մո­ւած պա­տո­ւի­րա­կու­թիւ­նը, խան­դա­վառ ժպիտ­նե­րով տո­ղան­ցեց, հայ­կա­կան ու յու­նա­կան փոք­րիկ դրօ­շակ­ներ բռնած ձեռ­քին։

Մեր խում­բե­րը ի­րենց մրցում­նե­րը կը սկսին այ­սօր Եր­կու­շաբ­թի կէ­սօ­րին, պաս­քետ­պո­լի եւ վո­լէյ­պո­լի խա­ղե­րով։