Լեռ­նա­յին Ղա­րա­բա­ղի Հան­րա­պե­տու­թեան Ազ­գա­յին Ժո­ղո­վի մամ­լոյ ծա­ռա­յու­թե­նէն կը յայտ­նեն, որ 23 Յու­լի­սին Ար­ցա­խի Հան­րա­պե­տու­թեան Ազ­գա­յին Ժո­ղո­վի փոխ-նա­խա­գահ Վահ­րամ Բա­լա­յեան ըն­դու­նած է Հա­մազ­գա­յի­նի 21րդ Ու­սա­նո­ղա­կան Հա­ւա­քի մաս­նա­կից­նե­րը` 10 եր­կիր­նե­րէ 35 ե­րի­տա­սարդ­ներ:

Հան­դիպ­ման սկիզ­բը Վ. Բա­լա­յեան միու­թեան ներ­կա­յա­ցու­ցիչ­նե­րուն ծա­նօ­թա­ցու­ցած է Ար­ցա­խի պատ­մու­թիւ­նը, իսկ այ­նու­հե­տեւ անդ­րա­դար­ձած է երկ­րի ներ­կա­յի տնտե­սա­կան եւ քա­ղա­քա­կան զար­գա­ցում­նե­րուն ու հե­ռան­կար­նե­րուն:

Ս­տա­նա­լով ամ­փոփ տե­ղե­կու­թիւն Ար­ցա­խի մա­սին` ե­րի­տա­սարդ­նե­րը Ազ­գա­յին Ժո­ղո­վի փոխ-նա­խա­գա­հին հար­ցում­ներ ուղ­ղե­լու կա­րե­լիու­թիւն ու­նե­ցած են:

Ա­նոնք հիմ­նա­կա­նին մէջ հե­տաքրք­րո­ւած են երկ­րի ներ­քին եւ ար­տա­քին կեան­քին վե­րա­բե­րող տա­րաբ­նոյթ նիւ­թե­րով, ինչ­պէս նաեւ զի­նա­դա­դա­րին առն­չու­թեամբ հա­մա­ձայ­նա­գի­րի կնքու­մէն ի վեր սահ­մա­նին վրայ տի­րող ի­րա­վի­ճա­կով:

Բա­լա­յեան նշած է, որ Ար­ցա­խի խա­ղա­ղու­թեան միակ ե­րաշ­խա­ւոր­նե­րը հա­յոց բա­նակն ու հայ զի­նո­ւորն են, ո­րոնք պատ­րաստ են հա­մար­ժէք պա­տաս­խան տա­լու պե­տա­կան սահ­մա­նը խախ­տել փոր­ձող իւ­րա­քան­չիւր ան­ձի: Հան­դիպ­ման ըն­թաց­քին Ազ­գա­յին Ժո­ղո­վի փոխ-նա­խա­գա­հը կա­րե­ւոր նկա­տած է սփիւռ­քա­հայ ե­րի­տա­սար­դու­թեան դե­րը հայ­րե­նա­դար­ձու­թեան, ինչ­պէս նաեւ Ար­ցա­խի ճա­նաչ­ման հո­լո­վոյ­թին մէջ: