Հա­յաս­տա­նի մէջ պի­տի վե­րա­նո­րո­գո­ւի Մու­սա Լե­րան հե­րո­սա­մար­տին նո­ւի­րո­ւած յու­շա­հա­մա­լի­րը: Հա­մա­պա­տաս­խան ո­րո­շու­մը կա­ռա­վա­րու­թիւ­նը կա­յա­ցու­ցած է Յու­լիս 23ին տե­ղի ու­նե­ցած իր նիս­տի ըն­թաց­քին: Վե­րա­նո­րոգ­ման աշ­խա­տանք­նե­րը պի­տի հա­մա­կար­գէ պաշտ­պա­նու­թեան նա­խա­րա­րու­թիւ­նը: Այդ նպա­տա­կով այս տա­րի պի­տի յատ­կա­ցո­ւի 35 միլիոն դրամ: Յու­շա­հա­մա­լի­րի հետ միա­սին պի­տի վե­րա­նո­րո­գո­ւի նաեւ մու­սա­լեռ­ցի­նե­րու հե­րո­սա­մար­տի ազ­գագ­րու­թեան թան­գա­րա­նը: Մու­սա Լե­րան հե­րո­սա­մար­տի 100ա­մեա­կին առ­թիւ Սեպ­տեմ­բե­րին շարք մը մշա­կու­թա­յին ձեռ­նարկ­ներ նա­խա­տե­սուած են: Մու­սա­լեռ­ցի­նե­րու ինք­նա­պաշտ­պա­նու­թիւ­նը տե­ղի ու­նե­ցած է 1915 թուա­կա­նին, երբ Մու­սա լե­րան հայ­կա­կան գիւ­ղե­րու բնակ­չու­թիւ­նը հրա­ժա­րած է են­թար­կո­ւե­լէ հա­յե­րու տե­ղա­հան­ման -եւ ճամ­բու ըն­թաց­քին բնաջնջ­ման -վե­րա­բե­րեալ թրքա­կան իշ­խա­նու­թեանց ո­րո­շու­մին եւ 53 օր, ա­ռանց դուր­սի ո­րե­ւէ օգ­նու­թեան, ինք­նա­պաշտ­պա­նու­թիւն կազ­մա­կեր­պած օս­մա­նեան կա­նո­նա­ւոր զօր­քե­րու դէմ: Ի վեր­ջոյ, մու­սա­լեռ­ցի­նե­րուն օգ­նու­թեան հա­սած են ֆրան­սա­կան նա­ւե­րը, ո­րոնք զա­նոնք տե­ղա­փո­խած են Ե­գիպ­տոս: