ԵՐԵՒԱՆ, «Արմէնփրես».– Մեկնարկած է «Արի տուն» ծրագիրի երրորդ հանգրուանը, որուն կը մասնակցին 151 երիտասարդներ 17 երկիրներէ՝ Ռուսիայէն, Աբխազիայէն, Ֆրանսայէն, Վրաստանէն, Ուքրանիայէն, Ղազախստանէն, Շուէտէն, Սուրիայէն, Իտալիայէն, նոյնիսկ՝ Չինաստանէն։ Երրորդ հանգրուանի բացումը կատարելով՝ այս մասին յայտնած է Հայաստանի սփիւռքի նախարար Հրանոյշ Յակոբեան: «Հաւատացած եմ, որ յառաջիկայ 14 օրը կը դառնայ հայրենիքի ճանաչման օր, Հայաստանը տեսնելու եւ զգալու օր: Ամէն օր դուք նոր բան էք սովորելու, զարմանալու, նոր բան էք տեսնելու: Հաւատացած եմ, որ օրը սկսելով հայոց լեզուն սովորելով, 14րդ օրը այն հայորդիները, ովքեր սկզբում լաւ չէին խօսում հայերէն, արդէն բաւականին հայերէն են իմանալու»,- յայտնած է նախարարը՝ դիմելով ծրագիրի մասնակիցներուն։
Ան յոյս յայտնած է, որ ծրագիրի մասնակիցները Հայաստանէն վերադառնալով պիտի շարունակեն հայոց լեզուն սորվիլ: «Քանի որ աշխարհում բացի հայերից հայոց լեզուն ուրիշինը չէ՝ հայոց լեզուն միայն մերն է: Մենք ենք, որ պէտք է սովորենք, զարգացնենք, պահպանենք հայոց լեզուն»,- ըսած է նախարար Յակոբեան։
Գիտութիւններու ազգային ակադեմիոյ պատմութեան հիմնարկի տնօրէն Աշոտ Մելքոնեան առաջին տարին չէ, որ իր տան մէջ կը հիւրընկալէ «Արի տուն» ծրագիրի մասնակիցները: «Հայրենասիրութիւնը միայն խօսքով չէ, այն պէտք է լինի գործնական հողի վրայ: Եւ վստահօրէն կարող եմ ասել, որ Հայաստանում իրականացուող ծրագրերի շրջանում «Արի տուն» ծրագիրն ունի իր պատուաւոր տեղը եւ գործնականօրէն հայրենասիրական աշխատանք իրականացնելու առումով շատ կարեւոր է»,- դիտել տուած է Ա. Մելքոնեան:
Երկու տարեկանէն Ռոստով բնակող 17ամեայ Հերմինէ Սիրադեղեան «Արի տուն 2015» ծրագիրին կը մասնակցի իր զարմուհիին հետ: Աղջիկները, ապրելով Ռուսիա, երկրորդ անգամն ըլլալով կ՛այցելեն Հայաստան: «Ես այցելում էի հայկական դպրոց եւ որպէս ակտիւ աշակերտ՝ ինձ ուղարկեցին մասնակցելու այս ծրագրին: Իսկ զարմուհուս առաջարկեցի միանալ ինձ, որպէսզի ինձ մենակ չզգամ եւ մեր ընտանիքում միայն ես չունենամ այն անհրաժեշտ գիտելիքները հայրենիքի մասին, որը հնարաւոր է ձեռք բերել «Արի տուն» ծրագրի շնորհիւ: Ցաւօք, մենք շատ վատ ենք խօսում հայերէն եւ այս ծրագրից մեր ակնկալիքները նոյնիսկ անիրական են»,- ըսած է ան։
Նախորդ հանգրուաններուն նման «Արի տուն» ծրագիրի 3րդ հանգրուանի մասնակիցները, բացի հայոց լեզուի ամէնօրեայ դասընթացքներէն, պիտի մասնակցին ճանաչողական արշաւներու եւ Ծաղկաձորի մէջ կայանալիք չորսօրեայ ճամբարին։