Մին­չեւ 1100 սփիւռ­քա­հայ ե­րի­տա­սարդ այս տա­րի կը մաս­նակ­ցի «Ա­րի տուն 2015» հայ­րե­նա­ճա­նա­չու­թեան ծրա­գի­րին: «Ար­մէնփ­րես»­ի հա­ղորդ­մամբ, ­Յու­նիս 15­ին, ա­ւան­դա­կան դար­ձած թի­ւով 7­րդ ծ­րագ­ րի մեկ­նար­կին, այս մա­սին ը­սած է Հ.Հ. սփիւռ­քի նա­խա­րար Հ­րա­նոյշ ­Յա­կո­բեա­ն:

Այս տա­րի ծրա­գի­րը կ­՛ի­րա­կա­նա­ցո­ւի ­Յու­նիս 14էն Օ­գոս­տոս 29:

«Ծ­րա­գի­րը շատ կա­րե­ւոր է նրա­նով, որ հա­զա­րա­ւոր ե­րի­տա­սարդ­ներ ա­ռա­ջին ան­գամ գա­լիս են ­Հա­յաս­տան, ո­րի մա­սին միայն լսել էին ի­րենց ու­սու­ցիչ­նե­րից, բա­րե­կամ­նե­րից: Ամ­փո­փե­լով 7 տա­րին` կա­րող եմ ա­սել, որ տաս­նեակ ե­րի­տա­սարդ­ներ ըն­տա­նիք­ներ են կազ­մել, ի­րենց ու­սու­մը շա­րու­նա­կել են հայ­կա­կան բու­հե­րում (հա­մալ­սա­րան), շա­տե­րը ըն­տա­նիք­նե­րին ստի­պել են գալ ­Հա­յաս­տան եւ հան­գիստն անց­կաց­նել հայ­րե­նի­քում: Այս տա­րի ծրա­գի­րը հիմ­նա­կա­նում ի­րա­կա­նա­ցո­ւե­լու է սի­րիա­հայ ե­րե­խա­նե­րի հա­մար, որ­պէս­զի մեր պա­տա­նի­նե­րը ռում­բե­րի փո­խա­րէն տես­նեն մեր սի­րե­լի հայ­րե­նի­քը»,-­  ը­սած է Հ­րա­նոյշ ­Յա­կո­բեան:

Այս տա­րի մեկ­նար­կած ծրագ­րի ա­ռա­ջին փու­լին կը մաս­նակ­ցին 58 ե­րի­տա­սարդ­ներ, ո­րոնց­մէ 38­ը` ­Հա­յաս­տան տե­ղա­փո­խո­ւած սու­րիա­հա­յեր են, իսկ 20­ը` 13­-18 տա­րե­կան պա­տա­նի­ներ ու աղ­ջիկ­ներ ­Ռու­սիա­յէն, ­Պե­լա­ռու­սիա­յէն, ­Թուրք­մէ­նիա­յէն եւ Ա.Մ.Ն.էն:

Ս­փիւռ­քի նա­խա­րա­րը ա­ռանձ­նա­յա­տուկ շնոր­հա­կա­լու­թիւն յայտ­նեց ըն­տա­նիք­նե­րու այն մայ­րե­րուն, ո­րոնք ի­րենց տան դռնե­րը կը բա­նան սփիւռ­քի հայ ե­րե­խա­նե­րուն` ի­րենց տու­նը ըն­դու­նե­լու եւ պա­հե­լու հա­մար: Ծ­րա­գի­րը կ’ի­րա­կա­նա­ցո­ւի 8 փու­լով, ո­րուն ծի­րէն ներս տե­ղի պի­տի ու­նե­նան այ­ցե­լու­թիւն­ներ թան­գա­րան­ներ, ­Հա­յաս­տա­նի բազ­մա­զան պատ­մամ­շա­կու­թա­յին կո­թող­ներ, ա­մէ­նօ­րեայ հա­յոց լե­զո­ւի դա­սեր: Այս տա­րի «Ա­րի տուն» ծրագ­րի ծի­րէն ներս կը կազ­մա­կեր­պո­ւի նաեւ 4­օ­րեայ ա­մառ­նա­յին ճամ­բար ­Ծաղ­կա­ձո­րի մէջ, որ կը նե­րա­ռնէ հայ­րե­նա­գի­տու­թեան, ազ­գա­յին եր­գի ու պա­րի դա­սեր:

Ան­ցեալ տա­րո­ւան ծրագ­րին կա­րե­ւոր էր ­Տիգրանակե­րտէն 50 ­հո­գի­նոց ե­րի­տա­սարդ­նե­րու այ­ցե­լու­թիւնը: Իսկ այս տա­րի կը սպա­սո­ւի ­Տեր­սի­մի իս­լա­մա­ցած հա­յե­րու ըն­տա­նիք­նե­րէն 50 ե­րի­տա­սարդ­նե­րու մաս­նակ­ցու­թիւ­նը «Ա­րի տուն» ծրա­գ­րին: