Յու­լիս 2էն 4, Ե­րե­ւա­նի մէջ տե­ղի պի­տի ու­նե­նայ Հա­յաս­տա­նի 4րդ Մի­ջազ­գա­յին Բժշ­կա­կան Հա­մա­գու­մա­րը, ո­րու ծի­րին մէջ նա­խա­տե­սո­ւած են 18 ձեռ­նարկ­ներ: Այս առ­թիւ Հա­յաս­տան պի­տի ժա­մա­նեն աշ­խար­հի տար­բեր ան­կիւն­ նե­րէ շուրջ 2000 բժիշկ­ներ:

Հա­յաս­տա­նի ­ա­ռող­ջա­պա­հու­թեան նա­խա­րա­րու­թեան կեդ­րո­նին մէջ կա­յա­նա­լիք հա­մա­գու­մա­րի կազ­մա­կեր­պիչ յանձ­նա­խում­բի նիս­տին, հա­մա­գու­մա­րի նա­խա­գահ Ա­րա Բաբ­լո­յեան նշած է, որ կա­յա­նա­լիք հա­ւա­քի ըն­թաց­քին լո­ւար­ձակ­նե­րը յատ­կա­պէս պի­տի կեդ­րո­նա­նան սրտա­բա­նու­թեան վրայ։

«Սր­տա­բա­նու­թեան ե­րեք ուղ­ղու­թիւն­նե­րով մաս­նակ­ցու­թեան ա­մե­նա­մեծ ակ­տի­ւու­թիւնն է կան­խա­տես­ւում։ Ե­թէ միւս ո­լորտ­նե­րում սա­թե­լի­տա­յին սիմ­պո­զիում­նե­րի հա­մար յատ­կա­ցո­ւած է մէկ օր, ա­պա սրտա­բա­նու­թեա­նը նո­ւի­րո­ւած ե­րեք մի­ջո­ցա­ռում տե­ղի կ­՚ու­նե­նայ»,- նշած է Բաբ­լո­յեան:
­Կազ­մա­կեր­պիչ­նե­րէն Մկր­տիչ Ա­ւա­գեան յայտ­նած է, որ Յու­լի­ս 2ին նա­խա­տե­սո­ւած են լիա­գու­մար նիս­տեր եւ զե­կոյց­ներ՝ նո­ւի­րո­ւած սրտա­բա­նու­թեան, Յու­լի­ս 3ին մաս­նա­գէտ­նե­րը աշ­խա­տանք­նե­րը պի­տի շա­րու­նա­կեն «­Նորք Մա­րաշ» բժշկա­կան կեդ­րո­նին մէջ, իսկ Յու­լի­ս 4ին Ե­րե­ւա­նի «Մ­խի­թար Հե­րա­ցի» պե­տա­կան բժշկա­կան հա­մալ­սա­րա­նին մէջ։

Ա­ռող­ջա­պա­հու­թեան նա­խա­րար Ար­մէն Մու­րա­դեան՝ ամ­փո­փե­լով խորհր­դակ­ցու­թիւ­նը, ընդգ­ծած է, որ սրտա­բա­նու­թիւ­նը մեր ա­ռող­ջա­պա­հա­կան հա­մա­կար­գի ա­մէ­նէն զար­գա­ցած եւ հե­ռան­կա­րա­յին ուղ­ղու­թիւն­նե­րէն մէկն է, իսկ այս ծրա­գի­րը ու­նի ըն­կե­րա­յին լուրջ ար­ժէք ու տա­րո­ղու­թիւն:

Չորս տա­րին ան­գամ մը Հա­յաս­տա­նի մէջ կա­զմա­կեր­պո­ւոող Մի­ջազ­գա­յին Բժշ­կա­կան Հա­մա­գու­մա­րի ծի­րին մէջ կը նա­խա­տե­սո­ւի մի­ջազ­գա­յին ճա­նա­չում ու­նե­ցող փոր­ձա­գէտ­նե­րու եւ ա­ռող­ջա­պա­հու­թեան ո­լոր­տի մաս­նա­գէտ­նե­րու, ինչ­պէս նաեւ աշ­խար­հաս­փիւռ հայ բժիշկ­նե­րու եւ հի­ւան­դա­պահ­նե­րու մաս­նակ­ցու­թիւ­նը: