Հա­յաս­տա­նի ար­տա­քին գոր­ծոց նա­խա­րար Է­դո­ւարդ Նալ­պան­տեան Մա­յիս 26ին պաշ­տօ­նա­կան այ­ցե­լու­թեամբ մը հա­սած է Պէյ­րութ, ուր հան­դի­պում­ներ ու­նե­ցած է վար­չա­պե­տին ու խորհր­դա­րա­նի նա­խա­գա­հին, ինչ­պէս նաեւ լի­բա­նան­ցի իր պաշ­տօ­նա­կի­ցին հետ: Այս մա­սին կը հա­ղոր­դէ «Ազ­դակ» օ­րա­թեր­թը:

Վար­չա­պետ Թամ­մամ Սա­լամ ըն­դու­նած է Նալ­բան­դեա­նը, ո­րուն ըն­կե­րակ­ցած է Լի­բա­նա­նի մօտ Հա­յաս­տա­նի դես­պան Ա­շոտ Քո­չա­րեան:

Հան­դի­պու­մին ըն­թաց­քին քննար­կո­ւած են լի­բա­նա­նեան ի­րա­դար­ձու­թիւն­նե­րը, ինչ­պէս նաեւ երկ-կող­մա­նի յա­րա­բե­րու­թիւն­նե­րը:

Խորհր­դա­րա­նի նա­խա­գահ Նե­պիհ Պըր­րի Այն Թի­նէի մէջ ըն­դու­նած է Նալ­բան­դեա­նը, ո­րուն հետ քննար­կած է տե­ղա­կան եւ շրջա­նա­յին ի­րա­դար­ձու­թիւն­նե­րը, ինչ­պէս նաեւ երկ-կող­մա­նի յա­րա­բե­րու­թիւն­նե­րը:

Հան­դի­պու­մին ա­ւար­տին Պըր­րի եւ Նալ­պան­տեան փո­խա­նա­կած են յու­շա­նո­ւէր­ներ:

Նալ­պան­տեան Պուսթ­րոս պա­լա­տին մէջ հան­դի­պում ու­նե­ցած է լի­բա­նան­ցի իր պաշ­տօ­նա­կի­ցին` Ժըպ­րան Պա­սի­լի հետ:

Հան­դի­պու­մէն ետք տրո­ւած մամ­լոյ միա­ցեալ ա­սու­լի­սի ըն­թաց­քին, Պա­սիլ շեշ­տած է, որ այս տա­րի Հա­յաս­տան եւ Լի­բա­նան միա­ցեալ կեր­պով բաժ­նած են մարդ­կու­թեան դէմ գոր­ծո­ւած ո­ճի­րի յի­շա­տա­կը, սկսեալ ջար­դե­րէն, հաս­նե­լով մին­չեւ տե­ղա­հա­նու­թեան եւ սո­վի են­թար­կու­մը, որ գոր­ծո­ւած էր հա­յոց եւ լի­բա­նան­ցի­նե­րուն դէմ:

Նալ­բան­դեան ընդգ­ծեց Մի­ջին Ա­րե­ւել­քի մի­լիո­նա­ւոր գաղ­թա­կան­նե­րուն կա­րիք­նե­րը հո­գա­լու անհ­րա­ժեշ­տու­թիւ­նը, ինչ­պէս նաեւ ա­նոնց օ­րա­պա­հի­կը ա­պա­հո­վե­լու կա­րե­ւո­րու­թիւ­նը: «Քն­նար­կե­ցինք նաեւ Մի­ջին Ա­րե­ւել­քի քրիս­տո­նեա­նե­րուն պաշտ­պա­նու­թեան հա­մար Հա­յաս­տա­նի, Լի­բա­նա­նի, Ռու­սիոյ եւ Վա­տի­կա­նի նա­խա­ձեռ­նու­թեամբ Մ.Ա.Կ.ի մէջ ան­ցեալ Մար­տին տե­ղի ու­նե­ցած բարձր մա­կար­դա­կի հան­դի­պու­մին ման­րա­մաս­նու­թիւն­նե­րը, ո­րոնց լոյ­սին տակ ընդգ­ծե­ցինք այդ ուղ­ղու­թեամբ կա­տա­րո­ւե­լիք միա­ցեալ աշ­խա­տան­քին կա­րե­ւո­րու­թիւ­նը»,- ը­սաւ Նալ­պան­տեան: