­Մա­յիս 19ի Պոն­տոս­ցի Յոյ­նե­րու ցե­ղաս­պա­նու­թեան օ­րը յատ­կան­շո­ւե­ցաւ յոյն ժո­ղո­վուր­դի կող­մէ յար­գան­քի ձեռ­նարկ­նե­րու կազ­մա­կեր­պու­մով։ Հա­յաս­տա­նի մէջ եւս Ե­րե­ւան եւ Ա­լա­վեր­տի մէջ յու­շի ձեռ­նարկ­ներ տե­ղի ու­ նե­ցան։ Հա­յոց Ցե­ղաս­պա­նու­թեան յու­շա­հա­մա­լիր՝ Ծի­ծեռ­նա­կա­բերդ բարձ­րա­ցան Ե­րե­ւա­նի մէջ բնա­կող յոյ­նե­րը, ինչ­պէս ա­մէն տա­րի, Հա­յաս­տա­նի մէջ գոր­ծող յու­նա­կան միու­թիւն­նե­րու եւ Յու­նաս­տա­նի դես­պան պրն. Իոա­նիս Տա­ղի­սի մաս­նակ­ցու­թեամբ։ Ե­րե­ւա­նէն տե­ղե­կու­թիւն­նե­րը «Ա­զատ Օր»ին փո­խան­ցեց ընկ. Յո­վիկ Գա­սա­պեա­ն, որ ներ­կայ ե­ղաւ մի­ջո­ցառ­ման։ Հա­մախմ­բո­ւած ժո­ղո­վուր­դը իր ե­րախ­տա­գի­տա­կան խօս­քը ուղ­ղեց Հա­յաս­տա­նի խորհր­դա­րա­նին կող­մէ Պոն­տոս­ցի­նե­րու Ցե­ղաս­պա­նու­թիւ­նը ճանչ­ցող բա­նա­ձե­ւին կա­պակ­ցու­թեամբ, որ խորհր­դան­շա­կան իր նշա­նա­կու­թեամբ կու­գայ ա­ւել­նա­լու Ցե­ղաս­պա­նու­թիւ­նը ճանչ­ցած սա­կա­ւա­թիւ պե­տու­թիւն­նե­րու ցանկին վրայ։

Ն­շենք, որ Յու­նաս­տա­նի խորհրդա­րա­նը ճանչ­ցած է Պոնս­տոս­ցի­նե­րու Ցե­ղաս­պա­նու­թիւ­նը 1994ին, ինչ­պէս նաեւ 2014ի Սեպ­տեմ­բե­րին, հա­կա­ցե­ղա­պաշ­տա­կան օ­րի­նա­գի­ծով՝ քրէա­կան յան­ցա­գոր­ծու­թիւն կը նկա­տո­ւի հա­յոց եւ յու­նաց ցե­ղաս­պա­նու­թեանց ժխտու­մը։ Յոյ­նե­րու Ցե­ղաս­պա­նու­թիւ­նը այս տա­րո­ւայ մէջ ճանչ­ցան նաեւ Աւստ­րա­լիոյ Ո­ւի­լո­պի նա­հան­գը եւ ԱՄ­Նի Ին­տիա­նա նա­հան­գը։ Կիպ­րոս, Շուէտ, Աւստ­րա­լիոյ եւ ԱՄ­Նի ո­րոշ նա­հանգ­ներ եւս ճանչ­ցած են ցե­ղաս­պա­նու­թիւ­նը։