Հայաստանի ելեւմուտքի փոխ նախարար Պաւել Սաֆարեան Նոյեմբեր 4ին, ՀՀ Ազգային ժողովին յայտարարեց, թէ 2012ին սփիւռքի նախարարութեան ծախսերուն համար, պետական պիւտճէէն պիտի յատկացուի 496 միլիոն դրամ, որ ընթացիկ տարուան գումարէն աւելի է 84 միլիոն դրամով:

ՀՀ սփիւռքի նախարար Հրանոյշ Յակոբեան, իր կարգին նշեց, թէ նախարարութիւնը համահայկական բոլոր կառոյցներուն հետ ստորագրած համաձայանագիրներ ունի. «Բացի պետական պիւտճէի ֆինանսաւորումից, ծրագրերի իրականացումը հնարաւոր կը լինի նաեւ նմանատիպ ֆինանսաւորման շնորհիւ», ըսաւ ան:
Պատասխանելով ՀՅԴ խմբակցութեան անդամ Լիլիթ Գալստեանի՝ սփիւռքի հայկական օճախներուն մէջ հայոց լեզուի ուսուցման խոչընդոտներուն վերաբերող հարցումին, նախարարը նշեց, որ Հայաստանէն գիրքերու փոխադրում կ՛իրականացուի Հայաստանի նախագահին օդանաւով: