Հ.Յ.Դ. Բիւ­րո­յի ան­դամ, Հ.Յ.Դ. Բիւ­րո­յի Հայ Դա­տի եւ քա­ղա­քա­կան հար­ցե­րու գրա­սենեա­կի պա­տաս­խա­նա­տու Կի­րօ Մա­նո­յեան բարձր գնա­հա­տած է Եւ­րո­պա­կան ժո­ղովր­դա­կան կու­սակ­ցու­թեան (Ե.Ժ.Կ.) կող­մէ Հա­յոց Ցե­ղաս­պա­նու­թեան 100ա­մեա­կին նուիրո­ւած բա­նա­ձե­ւի ըն­դուն­ման փաս­տը պարզ պատ­ճա­ռով մը. այս­տեղ կը խօ­սո­ւի  ոչ միայն ճա­նաչ­ման, այլ նաեւ հայ ժո­ղո­վուր­դի ի­րա­ւունք­նե­րուն, հա­տուց­ման եւ այլ կա­րե­ւոր հար­ցե­րու մա­սին: «Դ­րա­կան է նախ բա­նա­ձե­ւի բո­վան­դա­կու­թիւ­նը, ո­րուն հա­մար ալ կը խոր­հիմ պէտք է գնա­հա­տել այս ուղ­ղու­թեամբ աշ­խա­տանք տա­րած Ե.Ժ.Կ. ըն­տա­նի­քի ան­դամ հան­դի­սա­ցող հայ­կա­կան ե­րեք կու­սակ­ցու­թիւն­նե­րու` Հա­յաս­տա­նի Հան­րա­պե­տա­կան Կու­սակ­ցու­թեան, Ժա­ռան­գու­թիւն կու­սակ­ցու­թեան եւ Օ­րի­նաց Եր­կիր կու­սակ­ցու­թեան ջան­քե­րը: Կա­րե­ւոր է, որ Ե.Ժ.Կ.ի նման մեծ եւ ազ­դե­ցիկ կազ­մա­կեր­պու­թիւ­նը նման բա­նա­ձեւ կ­՛ըն­դու­նի, ո­րով­հե­տեւ ա­տի­կա ի վեր­ջոյ  երկ­րի մը մէջ գո­յու­թիւն ու­նե­ցող ա­ռան­ձին կու­սակ­ցու­թեան տե­սա­կէտ չէ, ա­սի­կա Եւ­րո­պա­կան խորհր­դա­րա­նին մէջ ներ­կա­յու­թիւն ու­նե­ցող եւ­րո­պա­կան կու­սակ­ցու­թիւն­նե­րու ըն­տա­նի­քին կե­ցո­ւածքն է»,- ը­սած է ան: