Սահ­մա­նին ի­րա­վի­ճա­կը լարո­ւած է: Այս մա­սին ը­սած է պաշտ­պա­նու­թեան նա­խա­րա­րի մա­մու­լի քար­տու­ղար Արծ­րուն ­Յով­հան­նի­սեան:

Ան նշած է, որ հա­կա­ռա­կոր­դին կող­մէ հրա­դա­դա­րը խախ­տե­լու դէպ­քե­րը կրկնա­կի, ե­ռա­կի ան­գամ ա­ւել­ցած են: ­Մա­մու­լի քար­տու­ղա­րը ը­սած է, որ հա­կա­ռա­կոր­դին կող­մէ քա­նի մը ան­գամ ի­րա­կա­նա­ցո­ւած են ներ­թա­փանց­ման փոր­ձեր, միայն մէկ ան­գամ ա­նոնք յա­ջո­ղած են մօ­տե­նալ մեր դիր­քե­րուն, բայց հայ­կա­կան կող­մը կրցած է ետ շպրտել զա­նոնք, սա­կայն ու­նինք եր­կու զոհ:

Արծ­րուն ­Յով­հան­նի­սեան նշած է նաեւ, որ սադ­րան­քէն ետք Պ.Բ. զին­ծա­ռա­յող­նե­րը խո­ցած են Ատր­պէյ­ճա­նի ե­րեք զին­ծա­ռա­յող­ներ: ­Հայ­կա­կան կող­մը կը հրա­ւի­րէ մի­ջազ­գա­յին կա­ռոյց­նե­րու ու­շադ­րու­թիւ­նը եւ կը յի­շեց­նէ, որ ատր­պէյ­ճա­նա­կան կող­մի վրայ կ­՛իյ­նայ ծանր հե­տե­ւանք­նե­րու ամ­բողջ պա­տաս­խա­նա­տո­ւու­թիւ­նը:

­Յի­շեց­նենք, որ ­Շա­բաթ, 28 Փետ­րո­ւա­րին, պաշտ­պա­նու­թեան բա­նա­կի հիւ­սիս-ա­րե­ւե­լեան ուղ­ղու­թեամբ տե­ղա­կա­յո­ւած զօ­րա­մա­սե­րէն մէ­կուն պահ­պա­նու­թեան տե­ղա­մա­սի զի­նո­ւո­րա­կան յե­նա­կէ­տե­րուն ուղ­ղու­թեամբ հա­կա­ռա­կոր­դը ձեռ­նար­կած է ներ­թա­փանց­ման փոր­ձի: ­Պաշտ­պա­նու­թեան բա­նա­կի յա­ռա­ջա­պահ ստո­րա­բա­ժա­նում­նե­րը ճիշդ ժա­մա­նա­կին ճշդած են հա­կա­ռա­կոր­դին յա­տուկ ջո­կա­տա­յին­նե­րուն յա­ռաջ­խա­ղա­ցու­մը եւ վեր­ջին­նե­րուն պատ­ճա­ռե­լով կո­րուստ­ներ` զա­նոնք մղած են վե­րա­դառ­նա­լու ի­րենց դիր­քե­րը:

Դժ­բախ­տա­բար, դի­մադ­րու­թեան ըն­թաց­քին զո­հո­ւած են զի­նո­ւո­րա­կան ծա­ռա­յող­ներ, 1979ի ծնունդ Ար­տակ Ա­ղէ­կեան եւ 1995ի ծնունդ ­Հայկ ­Բա­րո­յեան: ­Լեռ­նա­յին ­Ղա­րա­բա­ղի ­Հան­րա­պե­տու­թեան պաշտ­պա­նու­թեան նա­խա­րա­րու­թիւ­նը կը կի­սէ կորս­տեան ծանր վիշ­տը եւ իր զօ­րակ­ցու­թիւ­նը կը յայտ­նէ զո­հո­ւած զի­նո­ւոր­նե­րու ըն­տա­նիք­նե­րու ան­դամ­նե­րուն, հա­րա­զատ­նե­րուն եւ ծա­ռա­յա­կից­նե­րուն: ­Դէպ­քին ման­րա­մաս­նու­թիւն­նե­րը պար­զե­լու հա­մար կը կա­տա­րո­ւի քննու­թիւն: