2014ի Հայաստանի Թիւ 1 Մարզիկ Հռչակուեցաւ՝ Արթուր Ալեքսանեանը

Հայաստանի մարզական լրագրողները 2014ի ընթացքին ձեռքբերուած մարզական յաջողութիւնները քննարկելով, ինչպէս նաեւ մարզիկներու արդիւնքները, որոշեցին մրցաշրջանի 10 լաւագոյն մարզիկներու անունները:

Քննարկման շրջանին մասնակցեցան մարզական թեմաներով զբաղող 30 լրագրողներ:
* Անոնք Հայաստանի թիւ մէկ մարզիկ հռչակած են աշխարհի եւ Եւրոպայի ախոյեան, յունահռոմեական ոճի ըմբիշ Արթուր Ալեքսանեանը:

Ստորեւ կը ներկայացնենք 10 լաւագոյններու անուանացանկը.-

1 . Արթուր Ալեքսանեան - յունահռոմէական ոճի ըմբշամարտ
2 . Արսէն Ջուլֆալակեան - յունահռոմէական ոճի ըմբշամարտ
3 . Ռուբէն Ալեքսանեան - ծանրամարտ
4 . Գրիգոր Գրիգորեան - ազատ ըմբշամարտ
5 . Վանիկ Աւետիսեան - ծանրամարտ
6 . Յովհաննէս Դաւթեան - ճիւտօ
7 . Տիգրան Կիրակոսեան - մարտական սամպօ
8 . Մաւրիկ Նասիբեան - մարտական սամպօ
9 . Արթուր Դաւթեան - սպորտային մարմնամարզութիւն
10 . Գարիկ Բարսեղեան - ազատ ըմբշամարտ

* Մարզական լրագրողները հարցաթերթիկներուն մէջ նշած են 6 յաւելեալ մարզիկներու անուններ՝ Սմբատ Մարգարեան (ծանրամարտ), Աշոտ Դանիէլեան (սամպօ), Յարութիւն Մերտինեան (սպ. մարմնամարզութիւն), Մուսա Մուրթազալի (ազատ ըմբշամարտ), Արթուր Թովմասեան (սպ. մարմնամարզութիւն), Տիգրան Մարտիրոսեան (ծանրամարտ):

* Լաւագոյն խումբի տիտղոսին արժանացած է Հայաստանի յունահռոմէական ըմբշամարտի հաւաքականը, որ ոսկէ մետալներու հաշուարկով առաջին տեղը գրաւեց աշխարհի առաջնութեան ախոյեանութեան մրցումներուն:

Հայաստանի ֆութպոլի ֆետերասիոնը եւս յայտարարեց տարուան լաւագոյն ֆութպոլիստի անուանակարգային քուէարկութիւնը: Տարուան լաւագոյն ֆութպոլիստի անուանակարգի որոշումի իրաւունքը կը տրուի՝
1) Հայաստանի ֆութպոլի ֆետերասիոնի գործող անդամներուն:
2) 2014 թուականի բարձրագոյն ախոյեանութեան մասնակից ակումբներու նախագահներուն:
3) 2014 թուականի բարձրագոյն ախոյեանութեան մասնակից խումբերու գլխաւոր մարզիչներուն:
4) 2014 թուականի բարձրագոյն ախոյեանութեան մասնակից խումբերու խմբապետներուն:
5) Լրատուամիջոցներու ներկայացուցիչներուն:
Լաւագոյն ֆութպոլիստի կոչումին համար պայքարող խաղացողները մաս կը կազմեն Հայաստանի ազգային հաւաքականին, ինչպէս նաեւ երիտասարդական հաւաքականներուն եւ բարձրագոյն խումբերուն:
Անոնք են՝
Հայաստանի ազգային հաւաքականէն՝
1) Ռոման Պերեզովսքի (Տինամօ Մոսկուա, Ռուսիա)
2) Լեւոն Հայրապետեան (Փրիպրամ, Չեխիա)
3) Հրայր Մկոյեան (Էսթեղլալ, Իրան)
4) Ռոպերթ Արզումանեան (Աքթոպէ, Ղազախստան)
5) Հենրիխ Մխիթարեան (Պորուսիա Տորթմունտ, Գերմանիա)
6) Արազ Օզպիլիս (Սպարտակ Մոսկուա, Ռուսիա)
7) Էտկար Մանուչարեան (Ուրալ, Ռուսիա)
8) Գէորգ Ղազարեան (Օլիմփիաքոս, Յունաստան)
9) Նորայր Ասլանեան (Ալմերի Սիթի, Հոլանտա)
10) Արթուր Եդիգարեան (Կայրաթէ, Ղազախստան)

Հայաստանի երիտասարդական հաւաքականներէն՝
1) Արսէն Բեգլարեան (Ուլիս)
2) Նայիրի Մինասեան (Բանանց)
3) Գրիգոր Յովհաննիսեան (Փիւնիկ)
4) Դաւիթ Մարիկեան (Շիրակ)
5) Գոռ Մալաքեան (Ալաշկերտ)