Հա­յաս­տա­նի ար­տա­քին քա­ղա­քա­կա­նու­թիւ­նը ուղ­ղո­ւած է բո­լոր եր­կիր­նե­րու հետ հա­մա­գոր­ծակ­ցու­թեան հաս­տատ­ման: ­Դեկ­տեմ­բեր 12-ին ԱԳ նա­խա­րա­րա­րու­թեան մէջ ­Լաթ­վիոյ ար­տա­քին գոր­ծե­րի նա­խա­րար Էտ­կարս ­Ռին­կե­ւի­չի հետ հա­մա­տեղ ա­սու­լի­սի ժա­մա­նակ ՀՀ ար­տա­քին գոր­ծոց նա­խա­րար Է­դո­ւարդ ­Նալ­պան­տեան ընդգ­ծած է, որ ա­սի­կա ­Հա­յաս­տա­նի դի­ւա­նա­գի­տու­թիւնն է, որ ան­փո­փոխ կը մնայ տա­րի­ներ շա­րու­նակ:

“­Կա­րե­լի է հա­մա­գոր­ծակ­ցու­թիւն հաս­տա­տել այն երկր­նե­րի հետ, ո­րոնք պատ­րաստ են դրան: Ար­դեօ՞ք կա­րե­լի է հա­մա­գոր­ծակ­ցու­թիւն հաս­տա­տել մի երկ­րի հետ, ո­րը հրա­ժար­ւում է դի­ւա­նա­գի­տա­կան յա­րա­բե­րու­թիւն հաս­տա­տել, ո­րը փակ է պա­հում սահ­մանն ու ագ­րե­սիւ ժխտո­ղա­կան քա­ղա­քա­կան դրսե­ւո­րում­ներ է ար­տա­յայ­տում հայ ժո­ղովր­դի նկատ­մամբ: Այդ եր­կի­րը պէտք է ա­ռե­րե­սո­ւի սե­փա­կան պատ­մու­թեանն ու ա­ռաջ շար­ժո­ւի` կա­տա­րե­լով պար­տա­ւո­րու­թիւն­ներն ու լսե­լով մի­ջազ­գա­յին հան­րու­թեան կար­ծիքն այն մա­սին, որ գնդա­կը ­Թուր­քիա­յի դաշ­տում է: Երբ Թուր­քիան պատ­րաստ լի­նի հա­մա­գոր­ծակ­ցու­թեան եւ ­Հա­յաս­տա­նի կող­մից պար­զած ձեռքն ըն­դու­նի, ա­պա հնա­րա­ւոր է այդ հա­մա­գոր­ծակ­ցու­թիւ­նը”­ ըստ “Ար­մէնփ­րես”-ի՝ ը­սած է Է­դո­ւարդ ­Նալ­պան­տեան:

2008 թո­ւա­կա­նին ՀՀ ­նա­խա­գա­հի նա­խա­ձեռ­նու­թեամբ սկսաւ հայ-թրքա­կան յա­րա­բե­րու­թիւն­նե­րու կար­գա­ւոր­ման նոր փուլ, ո­րուն ար­դիւն­քով 2009-ի ­Հոկ­տեմ­բեր 10-ին ­Ցիւ­րի­խի մէջ ՀՀ եւ ԹՀ ԱԳ նա­խա­րար­նե­րը ստո­րագ­րե­ցին “­Հա­յաս­տա­նի ­Հան­րա­պե­տու­թեան եւ ­Թուր­քիոյ ­Հան­րա­պե­տու­թեան մի­ջեւ­ դի­ւա­նա­գի­տա­կան յա­րա­բե­րու­թիւն­ներ հաս­տա­տե­լու մա­սին” եւ “­Հա­յաս­տա­նի ­Հան­րա­պե­տու­թեան եւ ­Թուր­քիոյ ­Հան­րա­պե­տու­թեան մի­ջեւ յա­րա­բե­րու­թիւն­նե­րու զար­գաց­ման մա­սին” ար­ձա­նագ­րու­թիւն­ներ: Ար­ձա­նագ­րու­թիւն­նե­րու ստո­րագ­րու­մէն ետք ­Թուր­քիան, կտրուկ փո­խե­լով իր դիր­քո­րո­շու­մը եւ հրա­ժա­րե­լով “խե­լա­միտ ժամ­կէտ­նե­րու մէջ” եւ ա­ռանց նա­խա­պայ­ման­նե­րու երկ­կողմ յա­րա­բե­րու­թիւն­նե­րը կար­գա­ւո­րե­լու ձեռք բե­րո­ւած հա­մա­ձայ­նու­թե­նէն, ­Թուր­քիոյ Ազ­գա­յին մեծ ժո­ղո­վի ար­ձա­նագ­րու­թիւն­նե­րու վա­ւե­րա­ցու­մը պայ­մա­նա­ւո­րուե­ցաւ ԼՂ-ի հիմ­նա­հար­ցի կար­գա­ւոր­մամբ:

2014 թո­ւա­կա­նի ­Սեպ­տեմ­բեր 24-ին ՀՀ նա­խա­գահ ­Սերժ ­Սարգ­սեան ­Նիւ Եոր­քի մէջ ՄԱԿ-ի գլխա­ւոր Ա­սամպ­լէա­յի մէջ ու­նե­ցած ե­լոյ­թի ըն­թաց­քին յայ­տա­րա­րած է, որ ­Հա­յաս­տա­նը լրջօ­րէն կը քննար­կէ հայ-թրքա­կան ար­ձա­նագ­րու­թիւն­նե­րը խորհր­դա­րա­նէն ետ կան­չե­լու հար­ցը: