Ինչպէս կը յայտնէ ԼՂՀ նախագահի մամլոյ ծառայութիւնը, Բակօ Սահակեան Նոյեմբեր 10-ին ստորագրած է հրամանագիր, համաձայն որու՝ Իրինա Աւանէսեանը նշանակուած է ԼՂՀ վիճակագրութեան պետական խորհուրդի անդամ (լիազօրութիւններու ժամկէտը՝ 6 տարի)։

Նախագահի մէկ այլ հրամանագրով ԼՂՀ գլխաւոր դատախազ Արթուր Մոսիեանին շնորհուած է արդարադատութեան երրորդ դասի պետական խորհրդականի դասային աստիճան:
Նոյն օրը երկրի ղեկավարը ստորագրած է հրամանագիր՝ Վահէ Բալայեանին ԼՂՀ վերահսկիչ պալատի խորհուրդի անդամ նշանակելու մասին ՝ մինչեւ 2017 թուականի Յունուար 11-ը պաշտօնավարման ժամկէտով: