ՀՀ կառավարութեան որոշումով` Հայաստանի Հանրապետական կուսակցութեան անդամ Յարութիւն Սարգսեանը նշանակուեցաւ Վայոց ձորի մարզպետ:
ՀՀ վարչապետ Յովիկ Աբրահամեան շնորհաւորեց Սարգսեանը եւ մաղթեց բեղուն աշխատանք: “Պարոն Սարգսեան, յուսով եմ, որ կառավարութեան ու Հանրապետութեան նախագահին յոյսերը կ’արդարացնէք”,- ըսաւ վարչապետը:
Յարութիւն Սարգեան ներկայիս կը զբաղեցնէ Վայքի քաղաքապետի պաշտօնը, նախապէս եղած է Վայոց Ձորի մարզպետի տեղակալ:
Վայոց ձորի մարզպետի պաշտօնը թափուր մնացած էր Հոկտեմբեր 23-էն, երբ Էտկար Ղազարեանը ազատուած էր եւ նշանակուած Լեհաստանի մէջ Հայաստանի դեսպան: